«Ռեալը» նվաճեց Իսպանիայի չեմպիոնի կոչումը

Ֆուտբոլի Իսպանիայի առաջնության չեմպիոնի կոչումն առաջնության ավարտից մեկ տուր առաջ նվաճեց Մադրիդի «Ռեալը»՝ Մադրիդում 2:1 հաշվով հաղթելով «Վիլյառեալին»: Չեմպիոնական երկու գոլն էլ խփեց Քարիմ Բենզեման:

«Բարսելոնան» սեփական դաշտում 2:1 հաշվով պարտվեց «Օսասունային» եւ մնաց երկրորդ տեղում:

Երրորդ տեղում Մադրիդի «Ատլետիկոն» է, որը երկու միավոր ավելին ունի «Սեւիլիայից»:

«Էսպանյոլն» ու «Մալյորկան» անկախ վերջին տուրի խաղի արդյունքից դուրս մնացին ուժեղագույնների խմբից:

«Լեգանեսն» ու «Սելտան» վերջին տուրից առաջ ունեն 35 եւ 36 միավոր եւ կփորձեն մնալ ուժեղագույնների խմբում: Վերջին տուրում «Լեգանեսը» խաղալու է չեմպիոն «Ռեալի» հետ, իսկ «Սելտան» մրցակցի դաշտում մրցելու է վերջին տեղն ապահովագրած «Էսպանյոլի» հետ:

Վերջին տուրի խաղերը կկայանան հուլիսի 19-ին:

Top-News.am