Սբ. Սոֆիան թանգարան վերածելը սխալ էր. Էրդողան

Թուրքիայի նախագահ Ռեջեփ Թայիփ Էրդողանը պատմական սխալ է անվանել Սբ. Սոֆիայի մզկիթը թանգարանի վերածելու որոշումը։

Թուրքիայի ղեկավարը նշել է, որ երբ 1934-ին որոշվել էր Հաջիա Սոֆիային տալ թանգարանի կարգավիճակը, կատարվել է «պատմական սխալ»: Այժմ, հաշվի առնելով Թուրքիայի «83 միլիոն քաղաքացիների կամքը», այդ սխալն ուղղված է:

Նա ընդգծել է, որ Անկարան թշնամություն չունի այլ, ոչ մահմեդական հավատքների հետ:

Ինչպես ավելի վաղ նշել էինք, հուլիսի 10-ին Թուրքիայի բարձրագույն վարչական դատարանը չեղյալ էր հայտարարել 1934 թ. երկրի նախարարների խորհրդի այն որոշումը, ըստ որի Այասոֆյա մզկիթը վերածվեց թանգարանի։