Երաշխավորություն՝ վաստակած հեղինակությամբ
Ռոբերտ Քոչարյանի խափանման միջոցը փոխելու վերաբերյալ Հայաստանի նախկին վարչապետեր Վազգեն Մանուկյանի, Խոսրով Հարությունյանի, Կարեն Կարապետյանի, Արցախի նախկին վարչապետ Անուշավան Դանիելյանի ներկայացրած երաշխավորությունը մերժելը, նույնիսկ ամենամեծ ճնշումների դեպքում` գրեթե անհնար է։
Հակառակ կողմը, ըստ էության, չունենալով իրավական եւ բարոյական առարկության կոդեր, գնաց երաշխավորություն ներկայացրածների անձնական վիավորանքի եւ անձնական վարկաբեկման ճանապարհով։
Այս ոչ պատվաբեր գործառույթն իր վրա վերցրեց փաստաբան Տիգրան Եգորյանը: Եվ ամփոփումն այն էր, որ այդ մարդիկ չունեն երաշխավորություն ներկայացնելու համար անհրաժեշտ հեղինակություն։
Ովքեր են երաշխավորություն ներկայացրածները.
Վազգեն Մանուկյան. Արցախյան շարժման առաջնորդներից մեկը, Հայաստանի երրորդ Հանրապետության առաջին վարչապետն է, ամենադժվար փուլերից մեկում՝ Պաշտպանության Նախարար, որի օրոք հայկական զինված ուժերը աննկարագրելի կարեւոր հաղթանակներ տարան։ Հայկական բանակի հիմնադիրներից։
Խոսրով Հարությունյան. կառավարությունը գլխավորեց Հայաստանի համար ամենածանր փուլում, ամենաբարդ ժամանակներում եւ կարողացավ կարեւոր խնդիրներ լուծել, թույլ չտալ տնտեսության ամբողջական փլուզում եւ պետության կենսագործունեության կոլապս։ Կարողացավ ապահովել խորհրդային կուսակցական-տնտեսական շրջանակների եւ ՀՀՇ-ական Հայաստանի նոր վերանախավերի էֆեկտիվ համագործակցությունը՝ ի շահ երկրի:
Կարեն Կարապետյան. Ունեցել է բացառիկ դերակատարում պետության գազաֆիկացման գործում։ Որպես Երեւանի քաղաքապետ կարճ ժամանակում կարողացավ բարձր վարկանիշ ձեռք բերել, սկսել մի քանի կարեւոր նախագծեր։
2016-ին դարձավ ՀՀ վարչապետ համատարած հանրային հուսահատության եւ տնտեսական ծանր պայմաններում։ Կարճ ժամանակում երկրում փոխեց մթնոլորտը, դարձավ երկրի ամենավարկանիշային գործիչը, սրընթաց սկսեց տնտեսության ակտիվացումը, նրա հեղինակության շուրջ ձեւավորեց ներդրողների ակումբը, կարողացավ աշխուժացնել տնտեսությունը, իշխանափոխության փուլում մինչեւ վեջին պահը կատարեց իր լիազորոթյունները եւ խաղաղ փոխանցեց իշխանությունը։ Հանձնեց այնպիսի տնտեսական բազա, որից առ այսօր օգտվում է նոր իշխանությունը։ Երկու տարի է չի զբաղվում հրապարակային գործունեությամբ, սակայն մինչ հիմա ունի բարձր վարկանիշ։
Անուշավան Դանիելյան. Ղրիմում մեծ հեղինակություն վայելող գործիչ էր, Ուկրաինական քաղաքական – վարչական էլիտայի ներկայացուցիչ։ Բայց նախընտրեց օգտակար լինել հայրենիքին եւ ութ տարի հաջողությամբ ղեկավարում էր Արցախի կառավարությունը: Հետպատերազմյան Արցախում կարողացավ աշխատանքի եւ հարաբերությունների նոր մթնոլորտ ձևավորել։
Top-News.am
Ալյասկայում Ուկրաինայի վերաբերյալ համաձայնություն չի եղել. Ռուբիո
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Վրաստանը կշարունակի իր պրագմատիկ քաղաքականությունը Ռուսաստանի հետ
Նպատակը՝ տրանսֆերային արժեքը հնարավորինս նվազեցնելն է
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
ԱԱ-2026-ի փլեյ-օֆֆի նախնական ցանցն ունի հետևյալ տեսքը
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Լավ տղան ընտրակաշառք չի վերցնի․ Գեղամ Նազարյան