Մոուրինյո. Մխիթարյանն այժմ հրաշք է գործում խաղադաշտում
Հենրիխ Մխիթարյանն այժմ հրաշք է գործում խաղադաշտում, իսկ մրցաշրջանի սկզբում պաշտպանում էի նրան՝ չընդգրկելով կազմում, ասել է «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն Անգլիայի առաջնության 24-րդ տուրում չեմպիոն «Լեսթեր Սիթիի» նկատմամբ տարած հաղթանակից հետո:
«Մխիթարյանն այժմ իսկապես շատ լավ է խաղում: Ինչ վերաբերում է մրցաշրջանի սկզբում նրան քիչ խաղային ժամանակ տրամադրելուն, ապա երբեմն խաղացողին պաշտպանելու լավագույն միջոցը կազմում չընդգրկելն է: Լրագրողների կարծիքով, եթե մարզիչը խաղացողին չի ընդգրկում կազմում, ապա նա... Չեմ կարողանում անհրաժեշտ բառը գտնել, թե ինչ է այդ դեպքում մարզիչը: Բայց երբեմն մարզիչներն այդպես պաշտպանում են ֆուտբոլիստներին: Մխիթարյանի հետ կապված իրավիճակն հենց այդ կարգի էր: Նա հարմարվում էր: Դուք չեք տեսնում, իսկ ես տեսնում եմ նաեւ այն, ինչ խաղացողներն անում են խաղադաշտից դուրս: Այժմ Մխիթարյանը շատ լավ է խաղում:
Այս հաղթանակը շատ կարեւոր է մեզ համար, քանի որ նախորդ խաղում տանը երկու միավոր կորցրինք եւ ունեինք երեք անընդմեջ ոչ ոքի: Ես երջանիկ եմ, հոկտեմբերից պարտություն չենք կրել առաջնությունում: Եթե ոչ պարտադիր ոչ ոքիներն էլ կարողանայինք հաղթանակով ավարտել, ապա կլինեինք զարմանալի իրավիճակում»,- Մոուրինյոյի խոսքը մեջբերում է BBC-ն:
Հիշեցնենք, որ «Մանչեսթեր Յունայթեդը» «Լեսթերին» հաղթել է 3:0 հաշվով, Մխիթարյանը դարձել է գոլի եւ գոլային փոխանցման հեղինակ՝ ճանաչվելով հանդիպման լավագույն խաղացող:
Z համաշխարհային պատերազմը վերադառնում է
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Հայտնաբերվել է 517 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Բարսելոնան մտադիր չէ բաժանվել իր սանից