Ամեն ինչ, բացի՝ վարչապետից
Վիրուսի տարածումից մինչև երկրի էպիդեմիոլոգիական վիճակի օպերատիվ տեղեկատվություն տալիս է երկրի վարչապետը։ Ինքն իրեն նշանակել է ՀՀ գլխավոր վիրուսաբան։ Նա՛ է հայտնում թեստավորվածների թիվը և թեստերի պատասխանները։ Սա մեր երկրի ընթացիկ աննորմալություններից ամենասուրն է։
Մինչ այդ խոսում էր դեռևս քննության փուլում գտնվող քրեական գործերից և ինքն իրեն հռչակել էր ՀՀ գլխավոր քննիչ կամ դատախազ։
Հետո կայացնում էր դատավճիռներ՝ ինքն իրեն ներկայացնելով որպես երկրի գլխավոր և միակ դատավոր՝ երդվյալ ատենակալների ամբողջություն։
Շաբաթ-կիրակի օրերին մեկնաբանում է երկրի ռեստորանները և ինքնաներշնչվում, որ երկրի գլխավոր ռեստորանային մասնագետն է։
Պարբերարաբար դառնում է երկրի թիվ 1 վիճակագիրը՝ հիմնականում չճշտված և չստուգված ցուցանիշներ ներկայացնելով, հետո դառնում է երկրի գլխավոր տնտեսագետը, վարչապետի մամուլի խոսնակը։ Իսկ ժամանակ առ ժամանակ դառնում է երկրի հիմնական իրադարձային լրագրողը՝ տարբեր թեմատիկ ռեպորտաժներ ներկայացնելով լսարանին։
Կարո՞ղ է մեկը բացատրել, թե Փաշինյանն ինչո՛ւ է ինքն իրենով փոխարինում բոլոր պետական ինստիտուտները, մասնագետներին։ Հայաստանը վերածվել է մեկ հոգու ռիելիթի-շոուի։ Փաշինյանն ամենուր է , ամեն տեղ՝ ձեր կյանքի ամեն դրվագում։ Իր նոսրացող համակիրների շրջանակը վերածվել է տոտալիտար աղանդի, որը, սակայն, ունի ԱԺ մեծամասնություն և ուժայիններ։ Մնացած հանրությունը տարակուսանքի մեջ է. կդիմանա՞ պետությունը, թե՞ ոչ։
Մարինե Սուքիասյան
«Այլընտրանքային նախագծեր խումբ»
Ալյասկայում Ուկրաինայի վերաբերյալ համաձայնություն չի եղել. Ռուբիո
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Հայաստանում կենսաթոշակառուների համար նոր հնարավորություններ են բացվում
Վրաստանը կշարունակի իր պրագմատիկ քաղաքականությունը Ռուսաստանի հետ
Իսպանիայի ընտրանու հարձակվողը վնասվածք ունի
Լավ տղան ընտրակաշառք չի վերցնի․ Գեղամ Նազարյան
Մենդելեևի աղյուսակ ու հաշվիչներ. ապագա բժիշկները քննություն են հանձնում քիմիա առարկայից
Մհեր Գրիգորյանն ու Դավիթ Խուդաթյանն այցելել են ՀԱԷԿ. քննարկվել է 2-րդ էներգաբլոկի շահագործման ժամկետ...