Մակունցը մեղավոր չէ, այլ մեղավոր փնտրեք
Հայաստանի Ազգային ժողովում ամենամեծաքանակ խմբակցության՝ «Իմ քայլի» ղեկավար Լիլիթ Մակունցը հերթական դարակազմիկ, ցնցող, զարմանահրաշ հայտարարությունն է արել: Այս անգամ նա ասել է. «ՍԴ-ն ունի լեգիտիմության խոր դեֆիցիտ, ինչը վերականգնելու համար այսօր մեր առջեւ պահանջ է դնում ՀՀ քաղաքացին։ ՀՀ քաղաքացիները մեր առջեւ այդ պահանջը դնում են, եւ մենք, որպես առաջնային մանդատ կրող ինստիտուտ, պարտավոր ենք այս հարցը հանգուցալուծել»։
Ստացվում է, որ Լիլիթ Մակունցը կամ չի կարդացել ԵԽԽՎ հայաստանյան հարցերով համազեկուցողների ՍԴ-ի վերաբերյալ արած հայտարարությունը կամ չի ընկալում, թե ինչ է ԵԽԽՎ-ն եւ ինչ նշանակություն ունի այդ հեղինակավոր կազմակերպության հայտարարությունը:
Լիլիթ Մակունցի այս հայտարարությունից հետո շատերը սկսեցին արտահայտել իրենց զարմանքը, քննադատել նրան, բայց եկեք ընդունենք, որ այստեղ այս աղջկա մեղքի բաժինը շատ քիչ է: Այլ մեղավոր փնտրեք: Փորձենք հասկանալ ով է եղել այն մարդը, որը քաղաքականության հետ որեւէ կապ չունեցող մարդուն ոչ միայն դարձրեց նախարար, պատգամավոր, այլեւ դարձրեց կառավարող կուսակցության խորհրդարանական խմբակցության առաջնորդ:
Շատ հնարավոր է, որ Մակունցն իրոք հավատում է, որ Նիկոլ Փաշինյանն ավելի բարձր է եւ հեղինակավոր, ինչպես ԵԽԽՎ-ից եւ նրա ներկայացուցիչներից, այնպես էլ ցանկացած այլ միջազգային կառույցի կամ պետության առաջնորդներից: Ոչինչ չի բացառվում: Եթե այդպես չլիներ, ապա Մակունցը գոնե մի փոքր դադար կպահեր նման հայտարարություններ անելուց առաջ:
Ինչ վերաբերում է Մակունցի հայտարարությանը, ապա դրանից 1937թ. կեղտոտ հոտն է գալիս: Այն ժամանակ էլ այս կամ այն մարդուն աշխատանքից ազատելուց, ձերբակալելուց, դատելուց աքսորելուց կամ գնդակահարելուց առաջ մեկը ժողովի ժամանակ կանգնում եւ ասում եր՝ առաջարկ կա..., աշխատավորները պահանջում են... կարծիք կա, որ...:
Սա է մեր դաժան իրականությունը, որը 1937թ. տարբերվում է միայն նրանով, որ այսօրվա առաջնորդները անհամեմատ ավելի թույլ են այն ժամանակվա խորհրդային երկրի առաջնորդներից եւ ավելի քիչ, անհամեմատ ավելի քիչ ռեսուրսների են տիրապետում: Եւ մի կարեւոր տարբերություն՝ 1937թ. առաջնորդները գոնե իզմերի կրողներ էին, գաղափար եւ նպատակներ ունեին:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Լավ տղան ընտրակաշառք չի վերցնի․ Գեղամ Նազարյան
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Երևանում մի քանի փողոցներում կփոխվի երթևեկության կազմակերպումը