Հռոմի իշխանությունները պաշտպանիչ պատնեշներ կդնեն Տրեւի շատրվանի մոտ
Հռոմի Տրեւի շատրվանը կցանկապատվի, պատնեշները թույլ կտան պաշտպանել այն վանդալներից եւ խուլիգաններից, ասել է Իտալիայի մայրաքաղաքի քաղաքապետ Վիրջինիա Ռաջին, տեղեկացնում է ՌԻԱ «Նովոստի»-ն։
«Խոսքը ցանկապատի մասին է, որը նման կլինի նրանց, որոնք մենք տեղադրել ենք Հռոմի շատ այլ շատրվանների մոտ՝ Պյացա Մաթեիի Կրիաների շատրվանից մինչեւ Պյացա Նավոնայի Չորս գետերի շատրվանը»,- գրել է նա Ֆեյսբուքում։ Ռաջիի գրառումն ուղեկցվել է Կրիաների շատրվանի լուսանկարով, որի թասը պատնեշված է կես մետր բարձրությամբ մետաղական ցանցով։
«Սա որոշում է, որը չի փակի Տրեւի շատրվանի տեսքը եւ թույլ կտա մետաղադրամներ նետել, որն ավանդական արարողություն է «բոլորի համար, ովքեր այցելում են մեր քաղաք»,- ասել է Հռոմի քաղաքապետը։
Նրա խոսքով՝ Հավերժական քաղաքի գլխավոր խորհրդանիշերից մեկը ցանկապատելը հնարավորություն կտա ոստիկանության պարեկներին ավելի շատ ուշադրություն հատկացնել շատրվանին հարող հրապարակում կարգուկանոնի պահպանմանը, որը հունվարի 1-ից այլ խոշոր տեսարժան վայրերի հետ ազատել են հուշանվերների կրպակներից։ Այսպիսով, Հռոմի իշխանությունները մտադիր են պայքարել անլեգալ վաճառողների դեմ եւ ապահովել ամենահայտնի վայրերի լիարժեք տեսքը զբոսաշրջիկների համար։
Անցած տարվա հունիսին Հռոմում ընդունվեց ոստիկանության նոր կանոնակարգը, որով սահմանվում էին քաղաքացիների եւ զբոսաշրջիկների վարքի կանոնները։ Դրանք ներառում են Հավերժական քաղաքի շատրվաններում լողալու արգելքը, դրանց «օգտագործումը ոչ ըստ իրենց նշանակության»։ Այժմ զբոսաշրջիկներին չի կարելի նստել եւ ինչ-որ բան ուտել ճարտարապետական հուշարձանների մոտ, դրանց մոտ հայտնվել հարբած վիճակում հանրային տրանսպորտով, տղամարդիկ չեն կարող նաեւ հանրային վայրերում շրջել մերկ իրանով։
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Հայաստանում ամառային հանգիստը որքանո՞վ է հասանելի միջին ընտանիքին
Վանաձորի մի շարք հասցեներում գազանջատումներ կլինեն
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Աբդոլլահին նշանակվել է Իրանի զինված ուժերի գլխավոր շտաբի պետ
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
Շիրակի մարզի որոշ հասցեներում գազ չի լինի
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց