Միջազգային կառույցը բանաձեւ է ընդունել Հայաստանում քաղաքական իրավիճակի վերաբերյալ
Կենտրոնամետ դեմոկրատների միջազգային միության (CDI) Գործադիր կոմիտեն, որի հերթական նիստը տեղի է ունենում Յոջիակարտա քաղաքում (Ինդոնեզիա), ընդունել է Հայաստանում քաղաքական իրավիճակի վերաբերյալ բանաձեւ:
Հեղինակավոր միջազգային կառույցը արձանագրել է եւ իր մտահոգությունն է հայտնել, որ ՀՀ կառավարության ձեռնարկած մի շարք քայլեր եւ գործողություններ երկիրը տանում են դեպի ավտորիտարիզմ:
Այս իրավիճակում, Հայաստանի միջազգային հեղինակությանը հետագայում ավելի ծանր հարվածներ չհասցնելու համար Հայաստանի իշխանությունները պարտավոր են վերանայել իրենց գործելաոճը եւ վարած քաղաքականությունը:
Մասնավորապես, ընդունելի է Կենտրոնական դեմոկրատների միջազգային միության առաջարկը՝ Հայաստանի սահմանադրական կարգի շրջանակներում ստեղծել լայն եւ համապարփակ քաղաքական երկխոսության եւ ներառական քաղաքական միջավայր:
Միաժամանակ անհրաժեշտ է օր առաջ այս կամ այն պատրվակներով ազատ մամուլի, խոսքի ազատության դեմ ուղղված գործողությունները, ընդդիմադիր եւ իշխանություններից տարբերվող կարծիք ունեցող գործիչների դեմ կիրառվող տարատեսակ ճնշումները, այդ թվում դատաիրավական համակարգի ներքաշումն այս գործընթացում:
Չսպասելով միջազգայիլ այլ կառույցների եւ կազմակերպությունների գնահատականներին՝ իշխանությունները պետք է ձեռնամուխ լինեն դատաիրավական համակարգի իրական բարեփոխումներին եւ դադարեցնեն անկախ դատավորների, դատախազության եւ ոստիկանության վրա իրականացվող ճնշումները:
Երկրի վարկանիշի հետագա անկումը կանխելու, երկրի հետագա զարգացումն ու առաջընթացն ապահովելու համար անհրաժեշտ է ժամ առաջ դադարեցնել ՍԴ անդամների եւ նախագահ Հրայր Թովմասյանի դեմ իրականացվող, ժողովրդավարական եւ քաղաքակիրթ պետությանը ոչ հարիր գործողությունները:
Կենտրոնամետ դեմոկրատների միջազգային միության հայտարարությունը պետք է ահազանգ լինի կառավարության համար եւ ազդակ հանդիսանա երկիրը դեպի ավտորիտարիզմ տանող ճանապարհից դուրս գալու եւ պետությունն այլ հարթություն եւ մակարդակ տեղափոխելու համար:
Ասյա Օվանյան
«Իմ Ձայնը» նախագիծ
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...