«Ցանկանում եմ պաշտպանել Յուսիֆ Էյվազովին». Սաթի Սպիվակովան՝ հայ և ադրբեջանցի օպերային երգիչների շուրջ ծագած սկանդալի մասին
Ռուսաստանաբնակ հայտնի հայազգի հեռուստահաղորդավարուհի Սաթի Սպիվակովան իր ինստագրամյան էջում անդրադարձել է ադրբեջանցի տենոր Յուսիֆ Էյվազովի և հայուհի սոպրանո Ռուզան Մանթաշյանի շուրջ ծագած սկանդալին, ըստ որի՝ տենորը հայուհու էթնիկ պատկանելիության պատճառով հրաժարվել է նրա հետ հանդես գալ Դրեզդենի պետական օպերայում:
Սպիվակովան գրել է, որ «մշակույթը մեկ ազգության, մեկ դավանանքի և ունիվերսալ լեզվի տարածք է»: Նա կոչ է արել ստեղծված իրավիճակում սադրանքների չտրվել:
«Ես հավատում եմ միայն նրան, ինչի ականատեսն ինքս եմ եղել: Երիտասարդ հայ երգչուհու՝ Ռուզան Մանթաշյանի նկատմամբ հիացմունք ունենալով հանդերձ, ինչպես նաև հասկանալով, որ այս կեղտոտ և ճղճիմ պատմությունում նա Զոհ է, ցանկանում եմ պաշտպանել Յուսիֆ Էյվազովին՝ հստակ իմանալով, որ նրան խաբել են և վատ դրության մեջ դրել: Ես հայուհի եմ, նա՝ ադրբեջանցի, և եթե հարցն ուսումնասիրենք քաղաքական համատեքստում, ապա կլինենք բարիկադների հակառակ կողմերում: Բայց որևէ արտիստի համար գործընկերոջ ազգությունը երբևէ նշանակություն չի ունեցել»,- գրել է Սպիվակովան:
Նա հավելել է, որ այս ամենը գրում է ոչ թե ուշադրություն գրավելու կամ իրարանցում առաջացնելու համար, այլ բոլորին հանգստության կոչ հղելու և այս անհեթեթության քննարկմանը վերջ դնելու նպատակով:
«Կեցցե՛ երաժշտությունը: Հ.Գ. Չփորձեք կոպտել, միևնույն է` չեմ պատասխանելու»,- եզրափակել է նա:
Հիշեցնենք, որ հայտնի օպերային երգչուհի Աննա Նետրեբկոյի ամուսինը՝ ադրբեջանցի տենոր Յուսիֆ Էյվազովը, հերքել է օրերս տարածված տեղեկություններն առ այն, թե ինքը հրաժարվել է հայուհի սոպրանո Ռուզան Մանթաշյանի հետ հանդես գալ Դրեզդենի պետական օպերայում` էթնիկ պատկանելիության պատճառով:
«Սիրելի ընկերներ, ես ադրբեջանցի եմ, և ես իմ հստակ տեսլականն ու կարծիքն ունեմ Ադրբեջանի և Հայաստանի միջև ստեղծված իրավիճակի վերաբերյալ, բայց իմ քաղաքական հայացքները երբեք չեն անդրադառնում իմ մասնագիտության ու իմ գործընկերների վրա: Խոսքերիս վառ ապացույցն է այն, որ ես Մեծ թատրոնում բազմիցս բեմ եմ դուրս եկել Մարիա Գուլեգինայի և Գևորգ Հակոբյանի հետ»,- Instagram-ում գրել էր օպերային երգիչը:
Նա նաև հրապարակել է Դրեզդենի Semper Opera Ball-ի գեղարվեստական ղեկավար Հանս-Յոախիմ Ֆրեյի հայտարարությունը, որում նշվում է, որ Դրեզդենի օպերան պայմանագիր չի կնքել Ռուզան Մանթաշյանի հետ 2020 թվականի փետրվարի 7-ին Դրեզդենի պետական օպերայում ելույթի համար:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները