Եւ այս մարդը Հանրային խորհրդի նախագահն է
Հանրային խորհրդի նախագահի պաշտոնում Նիկոլ Փաշինյանի կողմից Ստյոպա Սաֆարյանի նշանակումը, մեղմ ասած, միանշանակ չընդունվեց ոչ միայն հանրության, այլ հենց այդ խորհրդի անդամների կողմից: Նա իր գործունեությամբ հաստատ չէր վաստակել այդ պաշտոնում նշանակվելու իրավունքը:
Նրանք, ովքեր Ստյոպա Սաֆարյանին կամ նրա գործունեությանը ծանոթ չեն, այնքան էլ չեն հասկանա, թե որն է խնդիրը, բայց հենց նրանց համար Հանրային խորհրդի նախագահը մեկ անգամ եւս ի ցույց դրեց իր իրական դեմքը, տեսակը, որակները:
ԱԱԾ նախկին ղեկավար Գեորգի Կուտոյանի ողբերգական մահից հետո նա ֆեյսբուքում հետեւյալ գրառումն է անում. «Օրեր առաջ վտանգներ մատնանշել էինք Վանեցյանի համար ու հուշել, որ կառավարությունը նրա անվտանգության մասին հոգ տանի, բայց սևերը, պարզվում է, «գիշերը» թիրախ են փոխել…»:
Այս խայտառակ գրառումից հետո Ստյոպա Սաֆարյանը պաշտոնանկ չարվեց, ինչը եւս մեկ անգամ վկայում է այն ծանր բարոյահոգեբանական վիճակի մասին, որում հայտնվել է մեր երկիրը: Ավելին, այս ամենից հետո Սաֆարյանն ինքը հրաժարական չի տալիս, ներողություն չի խնդրում, այլ հոդված է գրում, պնդելով, թե իր գրածը ոմանք շահարկում են, որ որ իր գրածի մեջ որեւէ միտք չի եղել, որից հնարավոր լիներ եզրակացնել, թե հասարակությանը բաժանում է «սեւերի» եւ «սպիտակների», եւ որ ինքը հանրահայտ «Մաֆիա» խաղն է նկատի ունեցել եւ ոչ թե վերջերս հայտնի «սպիտակ հեղափոխականներին» ու «սև նախկին իշխանություններին»:
Ստյոպա Սաֆարյանը լինելով Հանրային խորհրդի նախագահ վտանգներ մատնանշելու մասին հրապարակումներ անելու փոխարեն պարտավոր էր իր հիմնավոր փաստարկները, տեղեկությունները փոխանցեր համապատասխան մարմիններին: Իսկ ինչ վերաբերում է «Մաֆիա» խաղին, ապա նա չէր կարող չգիտակցել, որ իր գրառումը կարող է այլ կերպ ընկալվել:
Ավելին, ողբերգական մահից հետո գրառում անել եւ այն համեմել ինչ-որ խաղի հետ կապված եզրույթներով, մեղմ ասած, անխոհեմություն է:
Ի դեպ, Ստյոպա Սաֆարյանը դեռ վաղուց է աչքի ընկել նմանատիպ վարքագծով: Մեղմ ասած, նա սադրանքների սիրահար է:
Վիկիլիքսի հրապարակումներից էլ պարզ է դառնում, որ 2008-ի մարտի 1-ի արյունալի իրադարձութուններից առաջ էլ նա զբաղվել է իրեն բնորոշ գործով:
Այսպես, ամերիկյան դիվանագետների միջեւ եղած նամակագրությունից պարզում ենք, որ այն ժամանակահատվածում, երբ 2008թ. մարտի 1-ին դեռ որեւէ բախում եւ ողբերգական զարգացում չէին եղել, այլ իշխանության եւ ընդդիմության ներկայացուցիչների միջեւ ընթանում էին բանակցություններ, Ստյոպա Սաֆարյանը կապվել է ԱՄՆ դեսպանատան ներկայացուցչի հետ՝ հայտնելով, որ արդեն 3 մարդ է զոհվել՝ մի մանկահասակ մի տղա եւ երկու տարեց մարդ, եւ որ իբր ոստիկանը ծեծել է տարեց մարդուն եւ սպանել նրան։
ԱՄՆ գործերի ժամանակավոր հավատարմատար Փեննինգթոնը նշել է, որ այս բոլոր տեղեկությունները հաստատված չեն, սակայն ցուցարարների մեջ այդ պահին արդեն շրջանառվում էր 3-6 զոհերի առկայության մասին տեղեկատվություն (ինչը հետագայում չի հաստատվել)։
Այսքանից հետո ընդամենը մի հարցադրում՝ եւ ա՞յս մարդը պետք է դառնար Հանրային խորհրդի նախագահ:
Վահրամ Գեւորգյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար