Շվեդիան աշխարհի չեմպիոն

Ավարտվեց տափողակով հոկեյի աշխարհի առաջնությունը: Գերմանիայում եւ Ֆրանսիայում անցկացված առաջնության եզրափակիչում մրցեցին Կանադայի եւ Շվեդիայի հավաքականները:

Որքան էլ շատերի համար անակնկալ էր, բայց առաջինը տափողակը դարպասն անցկացրին շվեդները, այն էլ երբ մեկ հոկեյիստ պակաս ունեին: Կանադացիները հաշիվը հավասարեցրին երրորդ խաղափուլի սկզբում, երբ մեկ խաղացողի առավելություն ունեին:

Հիմնական ժամանակն ավարտվեց 1:1 հաշվով: Նշանակվեց լրացուցիչ՝ քսան րոպեանոց խաղափուլ: Այստեղ եւս դիտարժան եւ հետաքրքիր պայքար ընթացավ, բայց գոլ չգրանցվեց:

Բուլիտները հաջող իրացրին շվեդները եւ նվաճեցին աշխարհի չեմպիոնի կոչումը,Կանադային զրկելով երրորդ անգամ անընդմեջ նվաճել աշխարհի չեմպիոնի կոչումը:

Top-News.am