Մեր պատասխանը Թուրքիա-Ադրբեջան-Վրաստան եռակողմ հանդիպմանը
Երեկ Թբիլիսիում կայացավ Վրաստանի արտգործնախարար Դավիդ Զալկալիանիի եւ Թուրքիայի արտգործնախարար Մեւլութ Չավուշօղլուի հանդիպումը, որին հաջորդեց Վրաստանի արտաքին գերատեսչության ղեկավարի հանդիպումն իր ադրբեջանցի պաշտոնակից Էլմար Մամեդյարովի հետ:
Այս հանդիպումներին հաջորդեց եռակողմ քննարկումը, որի ընթացքում անդրադարձ է եղել տարածաշրջանային հետաքրքրություն ներկայացնող հարցերին: Կրկին անգամ հատուկ ուշադրություն է դարձվել տրանսպորտային եւ էներգետիկ համագործակցությանը:
Մեզ համար այս կարեւոր հանդիպմանը Հայաստանում գրեթե որեւէ ուշադրություն չդարձվեց: Հայաստանն ապրում է այլ օրակարգերով, այլ խնդիրներով: Ո՞րն էր մեր պատասխանն այս հանդիպմանը: Ոմանք կասեն, թե պատասխանը ՀՀ եւ Արցախի անվտանգության խորհուրդների համատեղ նիստն էր:
Համաձայնեք, եթե այդպես է, ապա համարժեք պատասխան չէ: Իհարկե, այդ պատասխանը պարտադիր չէր, որ լիներ նույն օրը, բայց այն պետք է լիներ համարժեք: Ի՞նչ եք մենք հակադրում Վրաստան-Ադրբեջան-Թուրքիա եռակողմ համագործակցությանը տրանսպորտի եւ էներգետիկ ոլորտներում:
Հայաստանի պատասխաններն ուշանում են: Մենք անգամ չունենէ ներդրումներ մեր երկրի տնտեսության զարգացման համար: Դրա փոխարեն ունենք բազմաթիվ կենացային մակարդակի հայտարարություններ, կասկածելի թվեր եւ սոցհարցումներ:
Մենք լավ գիտենք, թե ինչ է լինում այն երկրների հետ, որտեղ հնգամյակը կատարում են երեք տարում, բայց թղթի վրա, որտեղ անդադար համեմատվում էին 1913 թվականի հետ, թեեւ վաղուց արդեն ութսունականներն էին, որտեղ հասարակությունը բաժանում էին հեղափոխականների եւ հակահեղափոխականների, կարմիրների եւ սպիտակների:
Այսօր իրականությունն այն է, որ թբիլիսյան հանդիպմանը մենք պատասխանեցին ՀՖՖ նախագահի ամոթալի ընտրություններով եւ ֆուտբոլի ֆեդերացիայի նախագահի պաշտոնը նվիրեցինք մեկին, որը մեկուկես տարում զբաղեցնելով տեղակալի պաշտոնը միայն քարուքանդ է արել հայկական ֆուտբոլային տնտեսությունը, եւ որը լրագրողական գործունեության ընթացքում շատ նրբորեն, զգուշությամբ եւ գորովանքով սպասարկում էր պաշտոնական Բաքվի տեսակետները եւ արցախցի «դաժան» ոստիկաններից փրկում ադրբեջանցի ընկերներ եւ բարեկամներ ունեցող կապտամազիկ Ասյային:
Ահա եւ մեր պատասխանը թբիլիսյան եռակողմ հանդիպմանը: Գուցե այս պատասխաններին ավելացնենք նաեւ հերթական ձերբակալությունները եւ երեխաների վաճառքի մասին կեղծ լուրերի ակտիվ տարածումը:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար