Դամասկոսյան վարդը ներառվել է ՅՈՒՆԵՍԿՕ-ի ոչ նյութական ժառանգության ցանկում
ՅՈՒՆԵՍԿՕ-ն ներառել է Դամասկոսյան վարդը ոչ նյութական ժառանգության ցանկում, տեղեկացրել է կազմակեպությունն ու Սիրիայի նախագահի մամուլի ծառայությունը, հաղորդում է ՌԻԱ Նովոստի-ն:
«Դամասկոսյան վարդը մշակելու մեթոդները Մարախ գյուղում եւ դրան ուղեկցող արհեստները ներառվել են ոչ նյութական ժառանգության ցանկում»,-ասվում է կազմակերպության մամուլի հաղորդագրության մեջ: Գյուղը տեղակայված է Դամասկոսից 65 կմ հյուսիսում՝ լեռնային տեղանքում:
Սիրիայի նախագահի մամուլի ծառայությունն իր հերթին շնորհավորել է սիրիացիներին այդ փաստի առթիվ եւ մանրամասնել, որ կազմակերպությունը ներառել է այդ օբյեկտն իր ցանկում ոչ նյութական ժառանգությունը պահպանելու հարցով միջկառավարական հանձնաժողովի շրջանակում, որը գտվում է Կոլումբիայի մայրաքաղաք Բոգոտայում:
Վարդը կիրառվում է տարբեր նպատակներով. կոսմետիկա, եթերային յուղեր, դեղորայք, ինչպես նաեւ մուրաբաներ եւ ջեմ պատրաստելու համար: Դամասկոսի շուկաներում առանձնակի սիրված է վարդի թերթիկներով թեյը, որը, վաճառողների պնդմամբ, բարենպաստ է ազդում շնչառական համակարգի վրա:
ՅՈՒՆԵՍԿՕ-ի տվյալներով՝ միայն Մարախ գյուղում սեզոնի ընթացքում հավաքվում է շուրջ 60-70 տոննա վարդի թերթիկներ: Արտադրանքն արտահանվում է աշխարհի տարբեր երկրներ:
Ծաղկման շրջանը սկսվում է մայիսին, երբ ամեն տարի անցկացվում է դամասկոսյան վարդի փառատունը:
Վարդի թերթիկների մշակմամբ զվաղվող արտադրողները տարածում են իրենց արտադրանքը «Դամասկոսյան վարդ. ավելի արժեքավոր է, քան ոսկին եւ ավելի երկարատեւ է, քան նավթը»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները