«Թավշյա» ներկը և հեղափոխական տգիտությունը․ Անդրանիկ Թևանյանը
«Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը ֆեյսբուքյան իր էջում անդրադարձել է Գրիբոյեդովի արձանի վրա կարմիր ներկ թափելու միջադեպին։
Գրառումն ամբողջությամբ ներկայացնում ենք ստորև․
«Գրիբոյեդովի արձանի վրա ներկ է լցրել «թավշյա» հեղափոխության «գըմփ–գըմփ–հու»–իստը։ Իմաստ չունի մեկնաբանել նրա մոտիվացիան։ Ամեն ինչ պարզ է։
Անկախ Հայաստանում ամենասարսափելի փորձարկումներն արվել են կրթական համակարգում ու հատկապես դպրոցներում։ Մենք լուրջ հարվածներ ենք ստացել։ Դպրոցներն ու բուհերը մեծ տոկոսի «բռակ» են տալիս։ Արդյունքները տեսանելի են անզեն աչքերով։
Կրթության ոլորտը փորձարարական ճագար է դարձել ու հիմա ընկել է «թավշյա» գերության մեջ։ Հեղափոխական ու կործանարար ինքնավստահությամբ նոր փորձարկումներ են սկսվել։
«Կապիկի» ձեռքում «նռնակ» է հայտնվել։ Դժվար է կռահել, թե երբ և ուր կնետի այն։
Հազարամյակների պատմություն և մշակույթ ունեցող ժողովուրդը կրթական «պերֆորմանսի» է ենթարկվել ու ենթարկվում։ Իսկ դա անհետևանք չի կարող մնալ։
«Թավշյա» ներկան դպրոցների ու համալսարանների դասասենյակներում կրած պարտության արդյունքն է։ Սա արդեն անվտանգության հարց է։
Սահմանագծի պաշտպանության գործընթացը սկսվում է ընտանիքում, շարունակվում մանկապարտեզում, ամրապնդվում դպրոցում, ապահով դառնում ԲՈՒՀ–ում և անվտանգության նոր որակ ապահովում հետբուհական միջավայրում։
Ինչքան վատ է վիճակը կրթական թիկունքում, այնքան դժվար է լինելու առաջնագծում։ Թշնամին այնքան վտանգավոր չէ, որքան տգիտության հաղթարշավը մեր երկրի ներսում։
Տգիտությունը բոլոր չարիքների աղբյուրն է։ Մարտնչող տգիտությունը՝ կրկնակի չարիքներինը։
Պոպուլիզմը փորձում է թաքցնել տգիտությունը։ Հեղափոխական պոպուլիզմը ձգտում է տգիտությունը դարձնել առավելություն և գովազդել այն։ Պոպուլիզմը, հետևաբար, եռակի չարիքի աղբյուր է»։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին