Կառավարող ուժի նյարդայնության հիմնական պատճառը
«Վերնատուն» ակումբի համաժողովը, մեղմ ասած, գցեց կառավարող ուժի եւ նրանց համակիրների տրամադրությունը: Նրանք անցան հարձակման, օգտագործելով բոլոր ռեսուրսները եւ հնարավորությունները: Համաժողովի մասնակիցներին վարկաբեկելու փորձերից, մինչեւ ամենավերջին անմակարդակ եւ ստոր վիրավորանքները:
Նրանք, ովքեր պահպանել են բանականությունը, առողջ մտածողությունը զարմացած հարցնում էին՝ լավ, ո՞րն է այս ջղային արձագանքի պատճառը:
Ոմանք նշում էին, թե ագրեսիվ արձագանքի պատճառն այլ քաղաքական ուժի առկայությունը չհանդուրժելն է, մոյւսները բերում էին տարբեր հիմնավորումներ եւ վարկածներ:
Իրականում նման ջղագրգիռ արձագանքի պատճառը կամ հիմնական պատճառը շատ պարզ է՝ իշխանությունները չեն ցանկանում, որ ժողովուրդը համեմատության հնարավորություն ունենա: Մի կողմում կառավարությունն ու Ազգային ժողովն է՝ հիմնականում մանկապարտեզային քննարկումներով եւ հարցադրումներով (ԲՀԿ-ի եւ ԼՀԿ-ի ներկայությունը որակ չի փոխում իմքայլական մեծամասնության պարագայում), մյուս կողմում՝ «Վերնատան» համաժողովի մասնակիցները՝ իրենց ելույթներով եւ հարցադրումներով:
Իշխանությունը վախենում, սարսափում է նման համեմատություններից: Հենց սա է պատճառը, որ նրանք այսքան ջղագրգիռ արձագանք տվեցին: Անգամ իրենց վիրավորված են համարում, որ ակումբի անունը «Վերնատուն» է, ոմանք, որոնք անգամ բարձր պաշտոններ են զբաղեցնում, հրապարակային ամենաստոր վիրավորանքներն են գրում ու ասում: Այս ամենը վկայում է միայն այն մասին, որ համաժողովը ստացվել է, եւ որ իշխանությունների վախերն իրականում անհամեմատ շատ են, քան կարծում է ՀՀ քաղաքացին:
Հիմա տեղի ունեցավ մի հետաքրքիր երեւույթ. չնայած իշխանությունների գործադրած գերջանքներին, հանրությունը շատ նորմալ վերաբերվեց տեղի ունեցած խորհրդաժողովին, անգամ ողջունեց, քանի որ նույն հանրությունը հոգնել է տուն-տունիկից, հոգնել է լայվերից, հոգնել է դատարկ խոսքերից: Հանրությունը լուրջ քննարկումների պակաս է զգում:
Կառավարությունում այս ամենը հասկանում են, իմքայլականներն այս ամենը հասկանում են, բայց նյարդայնանում են, փոխանակ ընդունեն, որ իշխանությունը պետք է ունենա ընդդիմություն, եւ որ մի օր այդ ընդդիմությունը պետք է լինի իշխանություն, իսկ իրենք՝ ընդդիմություն: Թե չէ մինչեւ 2050 թվականը իշխելու երազանքը գործողներին կարող է ավելի շատ փլուզել, քան ընդդիմության գործողությունները:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը