«Իմ քայլի» տրոհումից կստեղծվի «Անհավատ» խմբակցությունը
Վաղուց արդեն գաղտնիք չէ գործող իշխանությունների վերաբերմունքը մեր եկեղեցու, հավատքի, հայոց լեզվի եւ հայոց պատմության հանդեպ: Ամեն ինչ վաղուց արդեն պարզ է: Իսկ իմքայլական պատգամավոր Աղազարյան Հովիկի վերջին հայտարարությունը, թե ամաչում է, որ իր յոթնամյա թոռնիկն աղոթում է, եկավ լրացնելու առկա բացերն այս հարցերում:
Աղոթքից ամաչող, իրեն քրիստոնյա, բայց ոչ հավատացյալ համարող պատգամավորի հայտարարությունը «Իմ քայլում» որեւէ արձագանք չգտավ: Նրան չառաջարկեցին վայր դնել մանդատը, նրա փոխարեն ներողություն չխնդրեցին: Այլ կերպ չէր էլ կարող լիներ, եթե Նիկոլ Փաշինյանն իր պաշտպանության տակ առավ Արայիկ Հարությունյանին, որը դպրոցից քահանա էր հեռացնում, հայտարարում, թե սատանիզմի հիմքով ներկայացում չի չեղարկվելու, ապա այս դեպքում հաստատ ծպտուն չեն հանի:
Փոխարենն արդեն իսկ համառ լուրեր են պտտվում, որ Ազգային ժողովում «Իմ քայլի» տրոհումից ստեղծվելու է նաեւ «Անհավատ» խմբակցությունը, որին Հովիկ Աղազարյանից բացի անդամակցելու են այն իմքայլականները, որոնք երջանիկ են, որ Հայ եկլեղեցու պատմություն առարկան դուրս է մղվում դպրոցից:
Ավելին, օդում կախված լուրերի համաձայն, արդեն իսկ հայտնի է, որ «Անհավատը» հանդես է գալու օրենսդրական նախաձեռնությամբ: Նրանք առաջարկում են եկեղեցիները վերածել կինոթատրոնների եւ ակումբների, որտեղ կցուցադրվեն աթեիզմի դիրքերից նկարահանված ֆիմեր եւ տարատեսակ «առաջադիմական» ներկայացումներ: Առաջինը ցուցադրվելու է Մելի մասին սկանդալային ֆիլմը, իսկ հետո նաեւ մետրոպոլիտենի կայարաններից մեկում բեմադրված անհասկանալի ներկայացումը:
«Անհավատը» պատրաստվում է նաեւ առաջարկել բոլոր նրանց, ովքեր կհայտարարեն, որ իրենք քրիստոնյա են եւ հավատացյալ, հարկել լրացուցիչ հարկով՝ հավատքի հարկով, որով կֆինանսավորվեն ԿԳՍՄ-ի առաջադեմ պրոեկտները:
Մոռացանք ամենակարեւորի մասին: Ըստ որոշ աղբյուրների, Նիկոլ Փաշինյանը պատրաստվում է հայտարարել, որ «Անհավատ» խմբակցությունը գտնվելու է իր պաշտպանության ներքո:
Աննա Բաղդասարյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...