Գերագույն հոգեւոր խորհուրդը ողջունել է ԱՄՆ Ներկայացուցիչների պալատի որոշումը
Հոկտեմբերի 30-ին Մայր Աթոռ Սուրբ Էջմիածնում, նախագահությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք եւ Ամենայն Հայոց Կաթողիկոսի, ընթացող Գերագույն հոգեւոր խորհրդի ժողովում անդրադարձ կատարվեց հոկտեմբերի 29-ին Ամերիկայի Միացյալ Նահանգների Ներկայացուցիչների պալատի կողմից Հայոց Ցեղասպանության առնչությամբ բանաձեւի ընդունման փաստին:
Գերագույն հոգեւոր խորհուրդը, ողջունելով բանաձեւի ընդունումը, այն դիտարկեց որպես կարեւոր քայլ հայ ժողովրդի նկատմամբ պատմական արդարությունը վերականգնելու եւ ցեղասպանության մեր սուրբ նահատակների խնկելի հիշատակը հարգելու համատեքստում:
Այս կապակցությամբ ԳՀԽ անդամները նաեւ իրենց գնահատանքն արտահայտեցին բոլոր այն կազմակերպություններին ու անհատներին, որոնց անխոնջ ջանքերի շնորհիվ հնարավոր դարձավ Հայոց Մեծ Եղեռնի միջազգային ճանաչման ու դատապարտման խնդրում հասնել կարեւոր այս հանգրվանին:
Արտահայտելով Հայաստանյայց Առաքելական Սուրբ Եկեղեցու եւ աշխարհասփյուռ հայ ժողովրդի երախտագետ զգացումները` Գերագույն հոգեւոր խորհուրդը հույս հայտնեց, որ Ամերիկայի Միացյալ Նահանգների իշխանությունները եւ բարեսեր ժողովուրդը նույն արդարամտությամբ կշարունակեն ջանքեր ներդնել` հանուն Հայոց ցեղասպանության ճանաչման եւ աշխարհում նման ոճրագործությունների կանխարգելման:
Բաժանորդագրվեք Top-News.am-ին Telegram-ում
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Հայաստանում ամառային հանգիստը որքանո՞վ է հասանելի միջին ընտանիքին
Վանաձորի մի շարք հասցեներում գազանջատումներ կլինեն
Աբդոլլահին նշանակվել է Իրանի զինված ուժերի գլխավոր շտաբի պետ
Շիրակի մարզի որոշ հասցեներում գազ չի լինի
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց