Սաթի Սպիվակովան Երեւան է ժամանել ապրիլյան պատերազմի մասին ֆիլմի պրեմիերային. գլխավոր դերում նրա դուստրն է
Հայտնի դիրիժոր եւ ջութակահար Վլադիմիր Սպիվակովի կինը` դերասանուհի եւ հեռուստահաղորդավարուհի Սաթի Սպիվակովան (Սաթենիկ Սահակյանց), ժամանել է Երեւան «Դրախտի դարպաս» ֆիլմի պրեմիերային: Ժապավենում գլխավոր դերը կատարում է նրա դուստրը` Տատյանան:
Աստղը Հայաստանում արված մի քանի լուսանկար է հրապարակել, այդ թվում հայկական «գլխավոր» լեռան` Արարատի լուսանկարը: «Հասնելով հայրենիք»,- գրել է Սպիվակովան` խոստովանելով, որ այդ պահերին սրտի զարկերը մշտապես արագանում են: Նա կիսվել է նաեւ «Դրախտի ֆարպասը» ֆիլմի պրեմիերային անվանական հրավերով:
Ֆիլմի իրադարձությունները զարգանում են 2016թ.-ի ապրիլին։ Գերմանացի հայտնի լրագրող Ռոբերտը վերադառնում է Արցախ՝ 22 տարվա զինադադարից հետո կրկին բռնկված պատերազմի իրադարձությունները լուսաբանելու համար։ Լրագրողական հետաքննության ընթացքում նա ծանոթանում է երիտասարդ օպերային երգչուհի Սոֆյայի հետ, նրանք սիրահարվում են։ Սակայն շուտով նա իմանում է՝ ով է Սոֆյան։
Նա անհետ կորած ֆոտոլրագրող Էդգար Մարտիրոսյանի դուստրն է, որը 1992թ.-ին Թալիշի անկման օրը գերի է ընկել։ Այդ ժամանակ Ռոբերտը չի փորձել գերությունից փրկել հերոսուհու հորը, միայն վերցրել է լուսանկարները, որոնք արվել են մարտի դաշտում։ Դրանք ներկայացնելով որպես սեփականը՝ նա համաշխարհային հայտնիություն է ձեռք բերել։
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Հայաստանում ամառային հանգիստը որքանո՞վ է հասանելի միջին ընտանիքին
Վանաձորի մի շարք հասցեներում գազանջատումներ կլինեն
Աբդոլլահին նշանակվել է Իրանի զինված ուժերի գլխավոր շտաբի պետ
Շիրակի մարզի որոշ հասցեներում գազ չի լինի
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
Երբ Իրանը գալիս է մեր բանակցողների մոտ, նրանք խոսում են միայն կանխիկի մասին. Ուոլց