Դասական հաճախորդը կամ «Լուսահոգի Հայաստանը»
Կարելի է ժողովրդի մի մասին մոլորեցնել ինչ-որ ժամանակ, կարելի է որոշ ժամանակ լինել ոչ թե ընդդիմադիր, այլ պարզապես ընդդիմադիրի դեր խաղալ, բայց անդադար անհնար է խաբել եւ խաբել, ինչքան էլ դասական լինես:
Գալիս է մի պահ, լինում է մի քվեարկություն, որից հետո դասական քաղաքական գործիչը վերածվում է դասական հաճախորդի, իսկ ավելի ճիշտ, ոչ թե վերածվում է, այլ բացահայտվում է, քանի որ նա միշտ էլ դասական հաճախորդ է եղել եւ ոչ թե քաղաքական գործիչ:
Հարցրեք Վիկտոր Դալլաքայնին, թե ով էր Էդմոն Մարուքյանը մինչ պատգամավոր դառնալը եւ ինչպես հաջողացրեց պատգամավոր դառնալ: Հարցրեք եւ հետաքրքիր պատմություններ կլսեք:
Հարցրեք մեկ ուրիշից, եւ նա եւս մանրամասներ կպատմի, թե ինչպես Մարուքյանը հայտնվեց «Ելք» դաշինքում եւ կրկին պատգամավոր դարձավ: Հարցրեք Նիկոլ Փաշինյանին, եւ նա կասի, թե ինչպես էր Մարուքյանը քվեարկում պատգամավոր եղած տարիներին:
Իհարկե, շատ հետաքրքիր պատմություն էր, թե ինչպես մի դաշինքում հայտնվեցին իրար տանել չկարողացող եւ միմյանց տարատեսակ մեղադրանքներ ներկայացրած Փաշինյանն ու Մարուքյանը, բայց սա արդեն ուրիշ պատմություն է եւ մենք շարունակենք կենտրոնանալ Էդմոն Մարուքյան՝ դասական հաճախորդի վրա:
Դասական հաճախորդը դասական հաճախորդ է նաեւ Աֆրիկայում՝ այս դեպքում Նիկոլ Փաշինյանի իշխանության ամիսներին: Իհարկե, Էդմոն Մարուքյանն ամեն ինչ անում էր, որ ներկայանար որպես դասական քաղաքական գործիչ, բայց հասավ մի կարեւոր քվեարկության օրը: Հենց այդ օրն էլ առավել միամիտ ՀՀ քաղաքացիների մոտ պատռվեց դասականի դիմակը, եւ բոլորը հասկացան, թե ում հետ գործ ունեն:
Եթե Էդմոն Մարուքյանը կարծում էր, թե կողմ քվեարկելով ՍԴ նախագահին պաշտոնանկ անելու հարցով ՍԴ դիմելու որոշմանը, կշարունակի խաղալ դասական քաղաքական գործչի դերը, ապա հիմա պետք է որ հասկանա, որ ամեն ինչ ավարտվեց: Նա գնաց եւ հավասարվեց բոլոր ժամանակների հաճախորդներին:
Ոմանք առաջարկում են, որ «Լուսավոր Հայաստանը» վերանվանվի «Լուսավոր երկիր» կամ «Օրինաց երկիր Հայաստան», բայց կա նաեւ մեկ այլ առաջարկ՝ «Լուսահոգի Հայաստան»:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Երևանում մի քանի փողոցներում կփոխվի երթևեկության կազմակերպումը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...