Հանրայինի լուրերի վտանգավոր խաղերը
Ինչո՞վ է զբաղված Հանրային հեռուստաալիքի լուրերի թողարկումը: Ճիշտ եւ միակ պատասխանը պետք է լիներ՝ Հայաստանում եւ աշխարհում կատարվող իրադարձությունների մասին համառոտ եւ ամփոփ տեղեկության մատուցմամբ: Ափսոս միայն, որ Հանրայինի լուրերի դեպքում այսպիսի պատասխան չի կարող հնչել:
Հանրայինը զբաղված է ՀՀ քաղաքացիներին թյուրիմացության մեջ գցելով, այլ կերպ ասած, ուղեղների լվացմամբ եւ ատելության սերմանմամբ:
Հանրայինը լուրերը հիշեցնում են սովետական տարիների «Մարդը եւ օրենքը», ինչպես նաեւ «Իրավաբանի ընդունարան» եւ մեր օրերի «1-02» հաղորդաշերերն իրենց բացասական ամբողջ դրսեւորմամբ:
Սեդա Սաֆարյանը եւ Արամ Մանուկյանը շատ բան կարող են ասել, բայց երբ նրանք անհիմն մեղադրանքներ են ներկայացնում, կեղծ եւ իրականությանը չհամապատասխանող տեղեկություններ հրապարակում, ատելություն սերմանում, մի՞թե Հանրայինը պարտավոր է նրանց խոսքը, ուղիղ խոսքը եթեր սփռել: Ոչ, պարտավոր չէ, բայց Հանրայինը հենց դրանով էլ զբաղված է, քանի որ Հանրայինի լուրերի թիվ մեկ գործառույթը ատելության սերմանումն ու իրականության աղճատված ներկայացումն է:
Երբ Սեդա Սաֆարյանը, որը փաստաբան է, հայտարարում է, թե ժողովրդի 70-80-ը կողմ է, որ Քոչարյանն ազատության մեջ չմտի, իսկ Հանրայինի լուրերը հեռարձակում են այդ տեղեկությունը, ապա ստացվում է, որ զբաղված են ստի եւ կեղծիքի տարածմամբ: Երբ Արամ Մանուկյանը հայտարարում է, թե Քոչարյանը ժողովրդից միլիարդներ է թալանել, իսկ Հանրային հեռարձակում է, նշանակում է Հանրայինը զբաղված է ատելության քարոզով:
Այն, ինչով այսօր զբաղված է Հանրային հեռուստաալիքի լուրերի թողարկումը, մեղմ ասած, լրատվության հետ որեւէ կապ չունի: Սովետական «Վրեմյան» այս առումով անհամեմատ ավելի բարոյական դաշտում էր գտնվում:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Երևանում մի քանի փողոցներում կփոխվի երթևեկության կազմակերպումը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...