Վատ եք ապրելու քանի դեռ շաբաթօրյակ եք անում

Մեր բազմաչարչար երկիրը չի զարգանալու, ժողովրդի կենսամակարդակը չի բարձրանալու եւ իրավունքներն էլ պաշտպանված չեն լինելու, քանի դեռ իշխանությունները շաբաթօրյակներ են անում, իսկ մի զգալի զանգված էլ ոգեւորված կամ վախից մասնակցում դրանց:

Առաջին հայացքից կարող է թվալ, թե շաբաթօրյակը լավ բան է: վերջին հաշվով քաղաքն են մաքրում, շենքերն են մաքրում, արձաններ լվանում: Սա միայն առաջին հայացքից: Իսկ հիմա ձեզ հարց տվեք, թե ուր են անհետացել այն գումարները, որոնք նախատեսված են քաղաքները եւ փողոցները, այգիներն ու պուրակները մաքուր պահելու համար: Ձեզ հարց տվեք, թե ովքեր են լափել այն գումարները, որոնք նախատեսված են բակերն ու դպրոցը մ,աքուր պահելու համար:

Ավելացնենք նաեւ, որ շաբաթօրյակը սովետական ծագում ունի, դրանից բխող բոլոր հետեւիանքներով: ԽՍՀՄ-ում մարդկանց ձրի շահագործելու բազմաթիվ հետաքրքիր մեթոդներ էին մշակվել, որոնցից մեկն էլ շաբաթօրյակն է:

Այնպես որ, քանի դեռ չեք հասկացել, թե ինչու չի կարելի շաբաթօրյակ հայտարարել եւ մասնակցել դրանց, ոչ միայն վատ եք ապրելու, այլ ընտրությունների արդյունքներն էլ կեղծվելու են:

Հիմա ոմանք կհարցնեն, թե իսկ ի՞նչ է, թողնենք, որ ասենք Գեղարդի կամ Ամբերդի մատույցները կեղտի մեջ թաղված մնան: Իհարկե՝ ոչ: Բայց այդ հատվածները մաքրելու նախաձեռնությամբ պետք է հանդեսգան անհատները, հասարակական կազմակերպությունները, որից հետո համապատասխան իշխանություններին պարտադրեն կատարել իրենց գործը եւ ոչ թե մաքրության համար նախատեսված գումարները գրպանեն, իսկ հետո մարդկանց ձրի աշխատեցնեն:

Top-News.am