Նիկոլ Փաշինյանը կրկին սպառնում է
Նիկոլ Փաշինյանին, չգիտես ինչու, թվում է, թե ինքը բարի դեմքով եւ ժպտերես վարչապետ է, որը կարող է թյուրիմացության մեջ գցել հանրությանը: Դժվար է ասել, թե ով է իրականության հետ կապ չունեցող տեղեկությունը մատուցել վարչապետին, բայց միանգամից ասենք, որ հանրությունը, միջին վիճակագրական ՀՀ քաղաքացին բարի եւ ժպտադեմ վարչապետ չի տեսնում, որ դեռ սխալ եզրահանգումներ անի:
Հանրությունը տեսնում է ջղագրգիռ, նյարդային, անդադար սպառնացող, անդադար վախեցնող, անդադար խոստումներ տվող մի մարդու, որը չի հանդարտվում եւ շարունակում է սպառնալ, անգամ երբ խոսում է մանկապարտեզի երեխաների խնդրից կամ պարի խմբակների մասին:
Հիմա էլ ԱՄՆ-ում կրկին շեշտել է՝ թող մեր ժպիտները ոչ մեկ որպես թուլություն չընկալի: Վարչապետը, փաստորեն, գիշերը չի քնում, ցերեկը հաց չի ուտում եւ անդադար մտածում է մի հարցի մասին՝ չլինի՞ հանրությունը ինձ թույլ է համարում: Սա հենց թույլ մարդուն բնորոշ սինդրոմներից մեկն է:
Մնում է պարզել, թե մամուլն այդ երբ է ասել, թե կառավարության ողնաշարը պետք է ջարդել, երբ են դատարանները որոշել Նիկոլ Փաշինյանի ոտքի տակը քանդել, երբ են եկեղեցականները որոշել քանդել կառավարության ոտքերի տակ, որ այդ մասին Նիկոլ Փաշինյանը բարձրաձայնում է Խաղաղ օվկիանոսի ափին:
«Նրանք շատ ուժեղ հակահարված կստանան, ծնկի կբերվեն»,- կրկին սպառնում է Փաշինյանը։
Նիկոլ Փաշինյանին հիշեցնենք, որ հենց իմքայլականներն են մի քանի անգամ նախաձեռնել մամուլի ազատությունը սահմանափակելուն ուղղված նախագծեր, հենց ինքն է կոչ արել շրջափակել դատարանները եւ ճնշում գործադրել դատավորների վրա, հենց ինքն է հիշատակել վնգստացող դատավորների մասին, ինքն է ասել, թե մի՞թե կա մի դատավոր, որ ինձ չենթարկվի, եւ հենց կառավարության անգործության պայմաններում էին հարձակվում կաթողիկոսի վրա, անգամ քաշքշում նրան, փորձում պատարագի իրականացումը խանգարել:
Եւ այսքանից հետո նման հայտարարություն անել, այն էլ Լոսում, մեղմ ասած, լուրջ չէ: Ավելին, անգամ շատ մտահոգիչ է: Եւ հիմա մամուլը, դատարանը, եկեղեցին պետք է շատ հանգիստ արձագանքեն վարչապետի այս հայտարարությանը: Լռությունը ճիշտ չի հասկացվի:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...