Նիկոլ Փաշինյանի որոշմանը սպասելիս
Սեպտեմբերի երեքը ծանր, շատ ծանր օր էր վարչապետ Նիկոլ Փաշինյանի համար: Նրան տհաճ անակնկալ մատուցեց առողջապահության նախարար Արսեն Թորոսյանը եւ կարկառուն հեղափոխական Դանիել Իոնիսյանը:
Արսեն Թորոսյանը փախավ ասուլիսից, հետո համակարգչի էկրանի հետեւից նախարարին, կառավարության անդամին ոչ պատշաճ արտահայտություններ եւ ձեւակերպումներ իրեն թույլ տվեց, իսկ հետո պարզվեց, որ նա ամիսներ առաջ ամոթալի հայտարարություն է արել:
Ըստ ԵՊԲՀ ռեկտոր Արմեն Մուրադյանի նախարար Արսեն Թորոսյանն անդրադառնալով Հայրենիքի պաշտպանի վերականգնողական կենտրոնին ասել է. «50 հոգի եղել է հաշմանդամ, 50-ն էլ մեռնելու է հաշմանդամ, ինչո՞ւ եք այդքան փող ծախսել»:
Եթե պարզվի, որ իրոք Արսեն Թորոսյանն իրեն նման արտահայտություն է թույլ տվել, ապա անկախ նրա գործունեության լավ ու վատ կողմերի, սկանդալների եւ հաջողությունների, վարչապետ Նիկոլ Փաշինյանը պարտավոր է նրան պաշտոնանկ անել:
Դեռ հանրությունը չէր հասցրել մարսել այս լուրը, երբ պարզ դարձավ, որ կարկառուն հեղափոխական, «Իրազեկ քաղաքացիների միավորում» հկ-ի ղեկավար, Արցախում դիտորդական առաքելություն իրականացնելու համար կառավարությունից հազարավոր դոլարներ ստացած Դանիել Իոնիսյանը ֆեյսբուքում այսպիսի գրառում է արել.
«Եթե Վլադիմիր Պուտինը ուզում է բանտում հանդիպի Ռոբերտ Քոչարյանին, ապա թող զգույշ լինի, որ հետևից դուռը չփակենք։)))))»:
Նիկոլ Փաշինյանը, անկախ նրանից, թե Իոնիսյանն իր գրառումը կհանի, թե ոչ, պարտավոր է հանուն Հայաստանի պետության շահերից ներողություն խնդրել ՌԴ նախագահից, կառավարության արտահերթ նիստ գումարել եւ չեղյալ համարել Իոնիսյանի կազմակերպությանը Արցախում դիտորդական առաքելություն իրականացնելու համար գումար տրամադրելու որոշումը:
Սա արդեն ոչ թե զզվելի է, այլ պետությանն անվտանգության դեմ ուղղված կոնկրետ եւ համակարգված գործողություններ են: Մեր կողքին ապրող ստահակներ դիտավորյալ ամեն ինչ անում են հայ-ռուսական հարաբերությունները վատթարացնելու եւ Հայաստանին տարածաշրջանում թուրք-ադրբեջանական դաշինքի դեմ միայնակ թողնելու համար:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...