Միամիտ ՀՀ քաղաքացին եւ նրանց օգտագործող իշխանությունը
1917թ. մինչ օրս անցել է 102 տարի: Թվում է ահռելի ժամանակ է, որի ընթացքում հասարակությունը կարող է աճել, հայտնվել որակական այլ մակարդակում, բայց միայն թվում է: Մեր դեպքում, մեծ հաշվով, կարելի է ասել, ոչինչ չի փոխվել:
1917-ին, 1937-ին էլ կային մարդիկ եւ շատ մարդիկ, որոնք հավատում էին, թե իրենք վատ են ապրում, քանի որ կան մարդիկ, որոնք հարուստ են: Նույն այդ մարդիկ ապրում են նաեւ մեր կողքին՝ 2019-ին: Նրանք վստահ են, որ մի քանի հոգու ձերբակալությունից, կալանավորումից է կախված իրենց բարեկեցությունը եւ հրճվում են ձերբակալության վերաբերյալ հերթական տեղեկությունը լսելիս:
Եւ երբ այս մարդուն ասում ես, հարցնում ես, թե փոխվե՞ց արդյոք քո կյանքը, լցվե՞ց արդյոք սառնարանդ, կարողանո՞ւմ ես հանգստի մեկնել գոնե Վրաստան, նրանք ունեն պատրաստի պատասխան՝ միանգամից հո չի փոխվելու: Եւ այդպես մի կյանք ապրում, անցնում, գնում են, այդպես էլ չհասկանալով, որ նրանք հրաշալի հումք են իշխանությունների համար:
Այսպիսի միամիտների վրա հենվելով էլ իշխանության են գալիս պոպուլիստները եւ ամուր կառչում իշխանությունից: Պոպուլիստները ժողովրդին բարեկեցություն տալ չեն կարող՝ նրանք պոպուլիստ են եւ դրա փոխարեն հորինում են սեւերի, ժողովրդի թշնամիների, հակահեղափոխականների, իմպերիալիստների, թալանչիների:
Միամիտներն ապրում են սպասելով հերթական թալանչու ձերբակալությանը, հերթական ժողովրդի թշնամու կալանավորմանը, հերթական սեւի դատին եւ այսպես ապրում են, սպասելով խոստումների իրականացմանը, բայց այդպես էլ մնում են սպասող: Պոպուլիստները երբեք խոստումները չեն կատարում:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...