Վարչապետը կարո՞ղ է ապրանք կամ ապրանքանիշ գովազդել
Նիկոլ Փաշինյանը իր ֆեյսբուքյան էջում կոչ է անում գնել այսինչ հայկական ընկերության արտադրանքը: Ավելին, լուսանկար է հրապարակում, տեղեկացնում, որ կրում ենք այսինչ ընկերության արտադրած վերնաշապիկները: Բացի այդ նշում, որ վերնաշապիկն էլ «Կիլիկիան» Հայաստանի զինանշանով է եւ Տիգրան Մեծի պատկերով:
Իհարկե, շատ լավ է, երբ վարչապետն իրեն լավ է զգում այսինչ ընկերության արտադրած ջինսե հագուսը կրելիս, բայց այստեղ բազմաթիբ հարցեր եւ մեկ կարեւոր հարց է առաջանում՝ արդյոք վարչապետն իրավունք ունի գովազդել այս կամ այն ապրանքը կամ ապրանքանիշը, որքան էլ այն լինի հայկական:
Բնականաբար, մյուս մրցակից հայկական ընկերությունների մոտ եւս հարց է առաջանում, ինչու ոչ իրենց արտադարանքը կամ ինչ պետք է անեն, որ վարչապետի ընտանիքը գովազդի նաեւ իրենց ընտանիքը:
Այլ կերպ այս ամենը կընկալվեր, եթե վարչապետը առանց որեւէ հագուստ կրելու, առանց որեւէ ընկերության անվանում հնչեցնելու կոչ անի գնել հայկական արտադրանքը:
Եւ վերջում մեկ այլ հարցի մասին: Լավ է, որ Կիլիկյան հայաստանի զինանշանով հագուստ՝ վերնաշապիկ է արտադրվում, բայց որքանով է ճիշտ, որ այն ցուցադրաբար կրի երկրի առաջին դեմքը: Առանց այն էլ այս բարդ տարածաշրջանում, բարդ հարաբերությունների պարագայում կրակի վրա յուղ լցնելը, մեր հակառակորդներին մանիպուլիացիաների հումք տալը, մեղմ ասած, այնքան էլ ճիշտ չէ:
Ի վերջո Թուրքիայում հայ-թուրքական հարաբերությունների նորմալացման հակառակորդները, եւ ոչ միայն Թուրքիայում, այլ մեր մյուս հարեւան Ադրբեջանում այս փաստը շատ հանգիստ կարող են օգտագործել մեր երկրին անհարկի մեղադրանքներ ներկայացնելու համար:
Աննա Բաղդասարյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...