Պլասիդո Դոմինգոյին մեղադրել են սեռական ոտնձգություններում
Մի քանի կին իսպանացի օպերային երգիչ Պլասիդո Դոմինգոյին մեղադրել է սեռական ոտնձգություններում, հաղորդում է Associated Press-ը:
Գործակալության տվյալներով՝ Դոմինգոն փորձել է կանանց ստիպել իր հետ սեռական կապի մեջ մտնել որոշակի դեր ստանալու խոստման դիմաց, իսկ «մերժվելու դեպքում մասնագիտական առումով նրանց պատժել է»:
8 երգչուհի եւ մեկ պարուհի գործակալությանը հայտնել են, որ իրենք սկսած 80-ականներից տարբեր ժամանակաշրջաններում Դոմինգոյի կողմից սեռական ոտնձգությունների են ենթարկվել: 8 կանայք ցանկացել են անանուն մնալ՝ բացատրելով դա նրանով, որ դեռ աշխատում են այդ ոլորտում կամ անհանգստանում են հասարակության բացասական արձագանքի համար: Երգչուհի Պատրիսիա Վուլֆը համաձայնել է բացահայտել իր անունը: Եւս 6 կանայք հայտնել են, որ երգիչն անվայելուչ առաջարկներ է արել, որոնց պատճառով նրանք իրենց անհարմար են զգացել:
Associated Press-ը մոտ 30 երգչուհիների, պարողների, երաժիշտների եւ թատրոնի այլ աշխատակցիների հետ հարցազրույցներ է անցկացրել, որոնք նշել են, որ Դոմինգոյի կողմից անվայել սեքսուալ բնույթի վարքագիծ են նկատել:
Գործակալության տվյալներով՝ Դոմինգոն հերքում է բոլոր մեղադրանքները:
«Դրանք անանուն մարդկանց մեղադրանքներ են, որոնք 30 տարվա վաղեմության իրադարձությունների մասին են, խորը անհանգստություն են առաջացնում եւ սխալ են ներկայացված», - ասել է նա:
«Ինձ համար ցավալի է լսել, որ ես ինչ-որ մեկի նեղացրել եմ կամ ստիպել եմ վատ զգալ՝ անկախ նրանից, թե որքան վաղուց է դա եղել՝ չնայած իմ լավագույն մտադրություններին: Ես վստահ եմ , որ իմ բոլոր հարաբերությունները եւ կապերը միշտ ողջունվել եւ երկկողմ համաձայնությամբ են եղել:
Նրանք, ովքեր գիտեն ինձ եւ աշխատել են ինձ հետ, գիտեն, որ ես այն մարդը չեմ, որը կանխամտծված ինչ-որ մեկի վնաս կպատճառեր, կվիրավորեր կամ կշփոթեցներ», - ասել է երգիչը:
«Այնուամենայնիվ, ես գիտակցում եմ, որ այն կանոնները եւ չափանիշները, որոնցով մեզ այսօր գնահատում են եւ պետք է գնահատեն, տարբերվում են նախկինում գոյություն ունեցածներից: Ինձ համար պատիվ է ունենալ ավելի քան 50 տարվա օպերային կարիերա եւ ես ինձ դատելու են ամենաբարձր չափանիշներին համապատասխան», - հավելել է Դոմինգոն:
Գործակալությունը նշում է, որ ոչ մի կին չի կարողացղել նյութական ապացույցներ ներկայացնել, Associated Press-ի հետաքննությունը հիմնված է բանավոր ցուցմունքների վրա:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները