Բազուկի հյութը համարվել է ուղեղի համար երիտասարդության էլիքսիր
Ուեյք Ֆորեսթի համալսարանից Ջեք Ռեջեսքիի ղեկավարությամբ ամերիկացի հետազոտողների խումբը պարզել է, որ հիպերտոնիայով տառապող տարեց մարդիկ պետք է չանտեսեն ֆիզիկական վարժությունները: Ըստ որում՝ մարզումներից առաջ գիտնականները խորհուրդ են տալիս բազուկի հյութ խմել: Նման համադրությունը թույլ է տալիս ուղեղը գրեթե նույնքան լավ վիճակում պահել, որքան այն եղել է երիտասարդ տարիներին, պնդում են մասնագետները:
Գիտնականների խոսքով՝ բազուկի հյութը ոչ միայն մի շարք սնուցող նյութեր է պարունակում, այլեւ միացություններ, որոնք օրգանիզմին թույլ են տալիս ազոտի մոնօքսիդներ արտադրել: Այս մոլեկուլներն, իրենց հերթին, կարեւորագույն դեր են կատարում արյունատար անոթների սեղմվելու եւ ընդարձակվելու ժամանակ: Մասնագետները ենթադրել են, որ նման հատկությունը պետք է բազուկի հյութը միանգամայն օգտակար դարձնի հիպերտոնիայով տառապող մարդկանց համար, հատկապես եթե այն օգտագործվի ֆիզիկական վարժություններից առաջ:
Հետազոտությանը մասնակցելու համար մասնագետները հրավիրել են 55 տարեկանից մեծ 26 տղամարդու եւ կնոջ, որոնք տառապել են արյան բարձր ճնշմամբ, սակայն դրա հետ միաժամանակ այս խնդրի դեմ պայքարելու համար ընդունել են 2 դեղից ոչ ավելի: Փորձի ընթացքում մասնակիցներից պահանջել են խմել այս կամ այն ըմպելիքը, որից հետո որոշ ժամանակահատվածում մարզվել վազքուղում: Մասնագետները 6 շաբաթ հետեւել են, թե մասնակիցների վիճակն ինչպես է փոխվել, այդ թվում՝ նաեւ նրանց ուղեղը:
Արդյունքում հետազոտողները պարզել են, որ փորձի ընթացքում այն մասնակիցների ուղեղի վիճակը, որոնք վարժություններից առաջ բազուկի հյութ են խմել, նկատելիորեն լավացել է: Ավելի փոքր չափով համանման արդյունք է դիտվել նաեւ «ստուգիչ խմբում», որում ընդգրկվածներին առաջարկել են բազուկի համով ներկած ջուր խմել, սակայն «պլացեբոյի էֆեկտով» հնարավոր էր բացատրել արդյունքի միայն ոչ մեծ մասը: Իսկ ընդհանուր առմամբ, գիտնականների խոսքով, բազուկի հյութն իսկապես օգտակար է եղել:
Մասնագետները նշում են, որ ստացած արդյունքների ստուգման եւ ճշգրտման համար լրացուցիչ հետազոտություններ կպահանջվեն, սակայն արդեն իսկ ստացած տվյալները գիտնականներին բավական հետաքրքիր են թվում: Նոր հետազոտության արդյունքները ներկայացված են Journals of Gerontology: Medical Sciences ամսագրում:
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
ԱՄՆ ցամաքային զորքերի շտաբի պետը հրաժարական է տվել
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը