ԱԱԾ-ի հեղինակության հյուծումը. Միտում, թե ճարահատյալություն
Ձևավորվել է նոր ավանդույթ. իշխանության ցանկացած օղակ իր գործը տապալելուց հետո դիմում է ԱԱԾ-ին. օգնիր, փրկիր վիճակը։
Ֆեյք էջեր են բացվում՝ Վանեցյան բացահայտիր, Սեւանը կանաչում է՝ Վանեցյան պարզիր, էլեկտրական ցանցերում վթար է՝ Վանեցյան ստուգիր, սեւանցի գործարարները դժգոհ են եւ ճանապարհ են փակում՝ Վանեցյան զրուցիր եւ բացիր, իջեւանցիներին «հոլոքոստ» են անում, իրավիճակը դուրս է գալիս վերահսկողությունից՝ Վանեցյան հասիր:
Այս թվարկումը դեռ երկար կարելի է շարունակել։ Իշխանությունն օգտագործում է Արթուր Վանեցյանի բարձր վարկանիշը, սա ֆունկցիոնալ իմաստով տապալվող իշխանության գործելաոճ է։
Ազգային անվտանգության ծառայությունն աշխատում է չաշխատող ոլորտների, կառույցների փոխարեն, բայց այսպես երկար չի կարող շարունակվել եւ չպետք է շարունակվի:
Չի բացառվում, որ Արթուր Վանեցյանին ինչ-որ տեղ դուր է գալիս այս կարգավիճակը։ Նա իշխանական հիերարխիայում զգում է անփոխարինելիություն։ Բայց դա շատ վտանգավոր ու խաբուսիկ զգացողություն է։ Նախ. այդպես ժամանակի որոշակի հատվածում կմաշի հենց իր վարկանիշը, եւ այդ դեպքում նրա ծառայություններից օգտված անկարող իշխանական էլիտան մեծ սիրով նրան հրաժեշտ կտա։ Կամ ժամանակի ընթացքում իշխանական նեղ խմբին ուղղակի կսկսի նյարդայնացնել Վանեցյանի վարկանիշը եւ դարձյալ կառաջանա նրա պաշտոնանկության գաղափարը՝ հանուն այլոց պաշտոնավարելու։
Իսկապես, ստեղծվում է շատ հակասական իրավիճակ, որի զարգացման սցենարները տարբեր են։ Ինքը Վանեցյանն այս պահին կարող է հանգիստ խոսել իր հրաժարականի մասին։ Դա կնշանակի լավ վարկանիշով երիտասարդ գործչի առկայություն իշխանությունից դուրս, ու նաև կնշանակի իշխանական փլուզումների սկիզբ։ Չի բացառվում արագ փլուզումների։ Բայց այդ ապահովության զգացումը դարձյալ հարաբերական է։ Ժամանակի գործոնը միշտ պետք է հաշվի առնել։ Հետեւաբար՝ վարկանիշն ու հեղինակությունը դինամիկ գործոններ են,պետք է միշտ աշխատել դրանց համար, գտնել նոր ռեսուրսներ։ Իշխանական նեղ խմբի ամբիցիան էլ դինամիկ հասկացություն է, եւ միշտ աճելու ու գերագնահատվելու միտումով։
Վահրամ Գեւորգյան
Top-News.am
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...