Մեծ Բրիտանիայում ընտրել են ամենասիրված ու հանրաճանաչ երգը

Երաժշտության արտոնագրմամբ զբաղվող PPL ընկերությունը նշել է այն երգը, որն ամենից հաճախ է հնչել բրիտանական ռադիոյով:

Ինչպես հայտնում է lenta.ru-ն, ամենասիրված ստեղծագործությունը Բրիտանիայում ճանաչվել է Snow Patrol խմբի Chasing Cars ստեղծագործությունը, որը վեցերորդ տեղն է զբաղեցրել Մեծ Բրիտանիայի սինգլների պաշտոնական աղյուսակում: Երգը թոփ-75-ում մնացել է 94 շաբաթ շարունակ: Այս տարի այն դարձել է 14-րդն ամենից շատ վաճառվող սինգլների շարքում:

Խմբի մեներգիչ Հարի Լայթբոդին, մեկնաբանելով երգի հանրաճանաչությունը, նշել է, որ այն զգացմունքային և պարզ է: «Ամենից շատ գնահատում եմ այն, թե ինչպես է երգը միավորում լսարանին: Դա ամեն անգամ հիանալի պահեր է պարգևում, երբ կատարում ես երգը», - ասել է երգիչը:

Chasing Cars երգը բրիտանական աղյուսակներից չի անհետացել ավելի քան երեք տարի: Այն հնչել է նաև «Կրքի անատոմիա» հեռուստասերիալում և «Ձևացիր իմ կինը» ֆիլմում: