«Ֆորմուլա 1»-ի թիմի սեփականատերը ձերբակալվել է Լոնդոնում

Լոնդոնի ոստիկանությունը ձերբակալել է հնդիկ գործարար Վիջայ Մալյուին, որը «Ֆորմուլա 1» Force India թիմի սեփականատերն է, հայտնում է The Guardian–ը։

Ոստիկանությունը 61-ամյա գործարարին ձերբակալել է Հնդկաստանի իշխանությունների պահանջով, որոնք գործարարին մեղադրում են խաբեության մեջ։ Հնդկաստանը մինչ այդ Մեծ Բրիտանիային խնդրել էր արտահանձնել Մալլյուին, այն բանից հետո երբ տեղի բանկերը փորձել են նրանից 1․4 մլրդ դոլար գանձել։ Ըստ Հնդկաստանի իշխանությունների տվյալների՝ այդքան գումար է պարտք գործարարի Kingfisher ավիաընկերությունը։

Այս գործով դատական նիստը կկայանա այսօր երեկոյան Վեսթմիսթերի դատարանում։

Լուրեր Հայաստանից - NEWS.am