Իսրայելի նախագահը ներողություն է խնդրել Մեքսիկայի նախագահից՝ Նեթանյահուի գրառման համար
Իսրայելի նախագահ Ռեուվեն Ռիվլինը ներողություն է խնդրել Մեքսիկայի իշխանություններից վարչապետ Բինյամին Նեթանյահուի՝ ԱՄՆ-ի և Մեքսիկայի սահմանին կառուցվելիք պատի վերաբերյալ արված հայտարարության համար:
Ինչպես նշում է korrespondent.net-ը, Իսրայելի վարչապետը Twitter սոցկայքի իր միկրոբլոգում գրել էր, որ ԱՄՆ նախագահ Դոնալդ Թրամփն իրավացի է Մեքսիկայի հետ սահմանին պատ կառուցելու հարցում:
«Նախագահ Թրամփն իրավացի է: Ես պատ եմ կառուցել Իսրայելի հարավային հատվածում, և դա կանգնեցրել է ապօրինի ներգաղթը: Լուրջ հաջողություն է, հրաշալի գաղափար»,- գրել էր Նեթանյահուն, ինչից հետո Մեքսիկայի նախագահ Էնրիկե Պենյա Նյետոն հայտարարել է, որ այդ գրառումը կվնասի 2 պետությունների հարաբերություններին:
Ստեղծված լարվածությունը փորձել է հարթել Իսրայելի նախագահը՝ տեղի ունեցածը որակելով որպես թյուրիմացություն:
«Ներողություն եմ խնդրում այս թյուրիմացության հետևանքով պատճառված ցանկացած վնասի համար, բայց մենք պետք է հասկանանք, որ խոսքը թյուրիմացության մասին է: Վստահ եմ, որ մենք կկարողանանք այս միջադեպն անցյալում թողնել»,-Մեքսիկայի նախագահի հետ զրույցում ասել է Ռիվլինը:
Հիշեցնենք, որ Թրամփն օրերս ստորագրել է վիճահարույց սահմանային պատի կառուցման վերաբերյալ հրամանագիրը:
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Հօգուտ Դիլիջան համայնքի կբռնագանձվի 2 միլիոն 970 հազար դրամ
Իրանական կամպանիայի ամերիկյան ծախսերը կարող է հասնել 31 մլրդ դոլարի
Ո՞վ է թիրախը՝ գյուղացի՞ն որ ուզում է ջերմոց ունենա, թե՞ ներդրողը, որ ուզում է ջերմոցային ցանց ստեղծի
Սպասվում են տեղումներ, քամու ուժգնացում․ ջերմաստիճանը կնվազի
«Արտեմիս II» տիեզերագնացները Լուսնի ձգողականության ազդեցության գոտի են հասել
Կյանքից հեռացել է հայտնի դիզայներ, «դենիմի կնքահայր» Ադրիանո Գոլդշմիդը
Մեզանից անկախ պատճառներով, դաշինքը չկայացավ. ՀԱԿ