Զախարովան աբսուրդային է որակել Ջոնսոնի՝ Մոսկվա այցի չեղարկման պատճառը
Ռուսաստանի ԱԳՆ պաշտոնական ներկայացուցիչ Մարիա Զախարովան աբսուրդային է անվանել Մեծ Բրիտանիայի ԱԳՆ ղեկավար Բորիս Ջոնսոնի Ռուսաստան այցի չեղարկման պատճառը։
«Այցի չեղարկումը հետեւեց անմիջապես դրա տեղափոխմանը։ Բրիտանական կողմը տարբեր պատճառներ էր բերում։ Այնպիսի տպավորություն է, որ մեր արեւմտյան գործընկերները ապրում են իրենց սեփական իրականության մեջ, որում իրենք սկզբում փորձում են միանձնյա ինչ որ կոլեկտիվ պլաններ կազմել, հետո դրանք, կրկին միանձնյա փոխել՝ հորինելով տարբեր աբսուրդային պատրվակներ»,– հայտարարել է նա։
Զախարովան ընդգծել է, որ Մոսկվան միշտ հանդես է եկել Լոնդոնի հետ կայուն հարաբերություններ կառուցելու դիրքերից։
«Մենք միշտ հանդես ենք եկել ամուր միջազգային–իրավական հիմքի վրա կայուն հարաբերություններ կառուցելու օգտին։ Ցավոք, կայունությունն ու հետեւողականությունը վաղուց դադարել են արեւմտյան արտաքին քաղաքականության այցեքարտը լինել»,– ասել է ԱԳՆ ներկայացուցիչը։
Ավելի վաղ Ջոնսոնը չեղարկել էր ապրիլի 10-ին նախատեսված այցելությունը Մոսկվա։ Նրա խոսքերով՝ առաջնահերթությունը՝ «մեծ յոթնյակի» գործընկերների հետ Սիրիայում իրավիճակի վերաբերյալ բանակցություններն են։
Միեւնույն ժամանակ հայտնի է դարձել, որ ԱՄՆ պետքարտուղար Ռեքս Թիլերսոնը չի չեղարկի իր այցը Մոսկվա, եւ ռուսական իշխանություններին կհասցնի Սիրիայում իրավիճակի վերաբերյալ Արեւմուտքի կոորդինացված դիրքորոշումը։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԱՄՆ ցամաքային զորքերի շտաբի պետը հրաժարական է տվել
ԿԳՄՍՆ-ն զգուշացնում է ուսուցիչներին
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
6 անշարժ գույք, միլիոններ. ՇՎՏՄ ղեկավարի տեղակալի հայտարարագիրը