Ինչ խորհուրդ ունեն զատկական սեղանի ուտելիքները. Սոնյա Թաշչյան
Ձկան, ու կարմիր գինու առկայությունը Քրիստոսի հրաշափառ հարության տոնական սեղանին գալիս է քրիստոնեությունից, իսկ հյուսված եզրերով ու կաթով հունցած տարեհացի առկայությունը դեռ հեթանոսական ժամանակներից է հիշողություն պահպանել՝ Անահիտ դիցուհու ծամերի հիշողությունը:
Նաև հատկանշական է, որ Զատկի Հայաստանում տոնական սեղանին դրվել են մթերքներ, որոնք Հայաստանում չեն աճել, հազվագյուտ ու թանկ են եղել:
Այսօր լրագրողների հետ հանդիպմանը բանահավաք Սոնյա Թաշչյանն անդրադարձավ զատկական տոնական սեղանին դրված մթերքների խորհրդանշանական իմաստներին, թե ինչ է նշանակում Սուրբ Զատկի դրվող խորհրդանշանական ուտեստներից յուրաքանչյուրը:
«Որովհետև մեր հայկական ավանդական սեղանը երբեք ինքնանպատակ չի եղել և փոխկապակցված է ընդհանուր խորհրդի հետ և արտացոլում է տոնի խորհուրդը: Իմիջայլոց ոչ մի բան չի պատրաստվել: Առաջին հերթին եկեղեցական տոն է, և որովհետև Մեծ Պահքին է հաջորդում, սեղանին դրվում են այն բոլոր ճաշատեսակները, որոնք պասի ընթացքին չեն ճաշակվել: Առաջինը՝ բրնձով, չամիչով քաղցր փլավը, և որովհետև բրինձը մերն տարածաշրջանում եղել է շատ հազվագյուտ մթերք, ապա տոնական օրը՝ հատկապես Զատկին, Հիսուսի հարության դրվագով ավելի արժևորվեց: Այսինքն՝ մթերքը, որը Հայաստանում չի աճել ու ներմուծվել է Մետաքսի ճանապարհով. Չինաստանից եկել է մեր մոտ: Եվ ուրեմն՝ բրնձով փլավը պետք է պատրաստվեր Զատկի սեղանի համար»,-մեկնաբանեց Սոնյա Թաշչյանը:
Ըստ բանահավաքի՝ Զատկի փլավի բրինձը պետք է լինի կլոր բրնձից՝ որպես տիեզերքի խորհրդանիշ, իսկ չրերի առկայությունն ունի «ոչ միայն քաղցրացնելու, այլև ավելի հին իմաստ, որն անմիջապես գարնանամուտի հետ է առնչվում»:
Եվ «զատել» բառն էլ, ըստ բանահավաքի, ունեցել է այն իմաստը, որ զատել է ձմեռը գարնանից: Իսկ չամիչը, որը նախորդ տարվա մրգի հիշողությունն է, հանդես է գալիս, որպես հնի ու նորի միաձուլում»,-նշեց Սոնյա Թաշչյանը:
Ըստ նրա՝ ձուն Զատկի սեղանի գլխավոր կերակուրն է, լավաշը, ունի և՛ կենցաղային, և՛ ծիսական նշանակություն:
Հայաստանի որոշ շրջաններում ընդունված է եղել նաև մատաղն ու խաշլաման, որը պետք է լիներ ողջ գյուղի մասնակցությամբ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները