Եւս մեկ կենսագրություն չունեցող եւ բանակում չծառայած նախարար
Այնպիսի տպավորություն է, կարծես մի անտեսանելի ձեռք որոշել է ծաղրել մեր պետությունը, մեր պետականությունը: Արցախի խնդիր ունեցող, Ադրբեջան եւ Թուրքիա հարեւաններ ունեցող երկրում նախարարներ, այլ պաշտոններ են ստանում զինված ուժերում չծառայածները, ինչպես նաեւ կենսագրություն չունեցողները:
Ի՞նչ արտակարգ ունակությունների տեր պետք է լինի 28-ամյա, բանակում չծառայած, քաղաքականության հետ որեւէ կապ չունեցող տղան, որ նշանակվի արդարադատության նախարար: Նայում ենք կենսագրական տվյալներին եւ հասկանում՝ ոչ մի:
Չանցնելով քաղաքական ճանապարհ, չունենալով անգամ փաստաբանական գործունեության անցած ճանապարհ, չղեկավարելով որեւէ կառույց նա նշանակվում է նախարար: Հարց է առաջանում՝ ինչո՞ւ եւ ի՞նչ անելու համար:
Վիրավորական է շատերի համար այս նշանակումը, բայց առաջին հերթին հերթական հարվածն է մեր պետությանը: Եւ ամենավատն այն է, որ գրեթե որեւէ մեկը չի բարձրաձայնում, որ այս տղան զինված ուժերում չի ծառայել:
Ի՞նչն է խրախուսում պետությունը, ի՞նչ մեսիջ է հղում ՀՀ քաղաքացիներին. մի ծառայեք բանակում, խուսափեք զինված ուժերում հայտնվելուց, եղեք կարիերիստ եւ վերջ:
Մի՞թե հեղափոխությունը հենց սրա համար էր, մի՞թե հարյուր հազարավորները փողոց դուրս եկան, որ կենսագրություն չունեցողները ղեկավարեն մեր երկիրը: Եւ ամենակարեւոր հարցը՝ ի՞նչ է պարտավորվել անել Ռուստամ Բադասյանը, որ չէր անի Արտակ Զեյնալյանը կամ այլոք, որոնք այդպես էլ նախարար չդարձան, թեեւ կային բազմաթիվ արժանավոր մարդիկ:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...