Daily Express Ուսամա Բեն Լադենն իր կնոջն օգտագործել է որպես կենդանի վահան

«Հատուկ ջոկատային․ ինչպես ես արձակեցի կրակոցներ, որոնք սպանեցին բեն Լադենին» հուշագրությունում Ռոբերտ Օ՝ Նիլը գրել էր, որ միայն ինքն է պատասխանաու բեն Լադենի մահվան համար, -գրում է Ալետա Ադուն բրիտանական Daily Express տաբլոիդում,- Այդ սարսափազդու վեպը սկսվում է Օ՝ Նիլի պատմությունից այն մասին, թե ինչպես են ինքն ու իր հինգ գործընկերները մտել բեն Լադենի թաքստոց (պակիստանյան Աբբոտտաբադեում, 2011 թ) ու շարժվել դեպի երկրորդ ու երրորդ հարկերը միացնող աստիճանավանդակ»։

«Հենց տեսանք ահաբեկչի 22-ամյա որդուն՝ Հալիդին, որը Կալաշնիկով ինքնաձիգը ձեռքին նստած էր բեն Լադենի կնոջ մարմնի մոտ, հասկացանք, որ բեն Լադենը վերեւում է»,- ասվում է հուշագրությունում։

Կրակելով Հալիդի դեմքին, զինվորականները «վերեւ են բարձրացել աստիճաններով ու Օ՝ Նիլը , իր իսկ խոսքով, այդ պահին մտածել է «Ես հոգնել եմ սպասել, թե երբ է դա տեղի ունենալու»,- դրա համար էլ նա իր ուղեկցին ազդանշան է տվել, որ լիցքավորի ինքնաձիգն ու կրակի վարագույրի վրա»

«Մնացած զինվորականները գետնին են գցել այդ սենյակում գտնվող երկու կանանց ու նրանց ետևում տեսել ԱՄՆ-ի կողմից ամենաորոնված թշնամուն, որը փորձում էր իր ամենաերիտասարդ կնոջն օգտագործել որպես կենդանի վահան», ասվում է հոդվածում։

Օ՝ Նիլը, հեղինակի խոսքով, նյույորքյան Daily News թերթում գրել էր․ «Ընդամենը մեկ ակնթարթում ես նշան բռնեցի կնոջ աջ ուսի վրայով ու սեղմեցի ձգանը։ Փամփուշտը կպավ Բեն Լադենի գլխին, ու նա ընկավ»։

Հոդվածի վերջում ասվում է, որ Օ՝Նիլը 2012-ին հեռացել է ծառայությունից՝ «իր անձի նկատմամբ հանրային սեւեռուն ուշադրության բարդ ժամանակաշրջանից հետո»։ Հեղինակը գրում է, որ հատուկ ջոկատայինի զինվորական ընկերները «նրան սկսել էին կասկածանքով վերաբերվել, նաեւ լուրեր էին պտտվում, որ Օ՝ Նիլը անընդհատ պարծենում էր բեն Լադենի մահվան գործում իր դերակատարումով»։

NEWS.am