Տարբեր Հայաստաններ
Հայաստան՝ առաջին
90-ականների սկզբներին քչերն էին հավատում, որ հնարավոր է հաղթել Ադրբեջանի սանձազերծած պատերազմում: Այդ տարիներին քչերն էին հավատում, որ Արցախը կարելի է պահել, որ կարելի է լայն անվտնագության գոտի ապահովել Արցախի շուրջ ու ստիպել հակառակորդին խաղաղության:
Այդ հետո, այդ ամենը ապահովելուց հետո ավելացան հաղթանակի տերերը: Իսկ ճակատագրական պահին, ամենադժար պահին նրանք քիչ էին: Այդ հաղթանակը կերտողների առաջին շարքերում էր Արցախի առաջին նախագահ Ռոբերտ Քոչարյանը:
Հայաստան՝ երկրորդ
Իննսունականների վերջերին Հայաստանում քաղաքական եւ տնտեսական ճգնաժամ էր եւ շատ քչերն էին հավատում, որ շրջափակման, կոռուպցիայի եւ բացահայտ թալանի մեջ գտնվող երկրի տնտեսությունը կարելի էր փրկել:
Եվ միայն ու միայն այդ՝ չթաքցվող անճարակության պատճառով, 1997թ. Հայաստան հրավիրվեց եւ վարչապետի պաշտոը ստանձնեց Ռոբերտ Քոչարյանը, որը 1998-ին դարձավ ՀՀ նախագահ:
Քչերն էին հավատում, որ կարճ ժամանակահատվածում երկրի տնտեսությունն կընկնի զարգացման ճանապարհի վրա, որի արդյունքում Հայաստանը մի քանի տարի շարունակ ապահովում էր երկնիշ տնտեսական աճ, իսկ բնակչության կենսամակարդակը կայուն աճ էր ապրում: Պետական բյուջեն 1997թ. համեմատ 2007-ին աճել էր 4,5 անգամ եկամուտների մասով հասնելով 570.1 մլրդ դրամի, 2007-ին ՀՆԱ-ն գերազանցում էր 1989թ. ցուցանիշը 47 տոկոսով, բնակչության մեկ շնչին հաշվով համախառն ներքին արդյունքը 1997թ. 433 դոլարից 2007-ին հասավ 2 հազար 844 դոլարի, տնտեսությունում արված ներդրումները 2007-ին 1998-ի ցուցանիշը գերազանցեց հինգ անգամ մոտենալով 900 միլիարդ դրամի, աղետի գոտում կատարված աշխատանքի արդյունքում 1998-2006 թվականներին 20 հազար ընտանիք բարելավել է բնակարանային պայմանները:
Հայաստան՝ երրորդ
Շատ քչերը կարող էին պատկերացնել, որ պաշտոնաթողությունից հետո տասը տարի շարունակ հակաքարոզչություն կծավալվի մի մարդու դեմ, որը հաջողությամբ ղեկավարել է Արցախը, Հայաստանի Հանրապետությունը, կարեւոր ներդրում ունեցել Արցախյան հերոսամարտի հաղթանակում, հասել է լուրջ հաջողությունների երկրի տնտեսության զարգացման գործում, իսկ նախագահության ժամկետը լրանալուց հետո ինքնակամ հանձնել է երկրի ղեկը:
Շատ քչերն էին հավատում, բայց ստացվեց այնպես, որ Ռոբերտ Քոչարյանի դեմ իրականացվեց աննախադեպ հակաքարոզչություն՝ տարբեր ուժերի շահերի համընկնման արդյունքում:
Հայաստան ՝ չորրորդ
Դժվար էր պատկերացնել, որ շինծու եւ դատարկ քրգործեր կհարուցեն Հայաստանի համար հսկայական դրական դերակատարում ունեցած մարդու դեմ եւ նրան կզրկեն ազատությունից: Հրեշավոր հակաքարոզչությամբ մեկ տարի շարունակ (գումարած նախորդ տասը տարին) հասարակության մեջ թիվ մեկ մեղավորի կերպար կփորձեն սարքել, այն դեպքում, երբ իրենք մեկ տարի շարունակ մեկ գործ անգամ չեն կարողանում անել այս երկրի համար: Դժվար էր պատկերացնել, բայց այսօր ապրում ենք հենց այդ Հայաստանում:
Հայաստան՝ հինգերորդ
Ամեն ինչ ժամանակավոր է ու վաղը գալու է մեկ այլ Հայաստան, որտեղ մարդիկ հարգվելու են ըստ իրենց արժանիքների, որտեղ հակաքարոզչություն չեն ծավալելու Հայաստանի զարգացմանը նպաստած մարդկանց դեմ, որտեղ կենսամակարդակը կրկին աճելու է եւ ամեն ինչ ընկնելու է իր տեղը: Եթե անկեղծ լինենք, օր օրի փոխվում է մթնոլորտը ու մենք մոտենում ենք նոր իրականության:
Կեցցե այն նոր Հայաստանը, որտեղ ամեն ինչ իր տեղը կընկնի ու հասարակությունը դուրս կգա հակաքարոզչության թակարդից ու կվերագնահատի արժեքները, որտեղ այլեւս ատելության եւ բռնության քարոզ չի լինի, հասարակությունը կսկսի ճիշտ գնահատել իր պատմությունը, մի պատմություն, որտեղ երկրորդ նախագահ Ռոբերտ Քոչարյանը հաստատ ունենալու է իր պատմական գնահատված դերակատարումը:
Top-News.am
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Հայ-վրացական գազատարը Հայաստանի խնդրանքով կտեղափոխվի
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Տավուշում ոչ մի գազատար չի կառուցվել, նման գործընթաց չկա. մարզպետ
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Ազգային ժողովը շարունակում է իր քառօրյա նիստերի աշխատանքը (տեսանյութ)
Ուկրաինացի բժիշկները ռազմագերիների վիրահատություններ են կատարել առանց անզգայացման
Իրանում պատերազմը Հնդկաստանին կանգնեցրել է գազային ճգնաժամի առաջ
Փոփոխություններ են նախատեսվում «Բնակչության բժշկական օգնության եւ սպասարկման մասին» օրենքում
ԱՄՆ-ը և Իսրայելը Իրանի արտգործնախարարին հանել են թիրախային ցուցակից