Պորոշենկոն հեռախոսային խորհրդատվություն է անցկացրել Թիլերսոնի հետ
Ուկրաինայի նախագահ Պյոտր Պորոշենկոն հեռախոսային խորհրդատվություն է անցկացրել ԱՄՆ պետքարտուղար Ռեքս Թիլերսոնի հետ՝ Մոսկվայում կայանալիք ամերիկա–ռուսական բանակցությունների նախօրեին։ Այս մասին հաղորդել է Ուկրաինայի նախագահի մամլո խոսնակ Սվյատոսլավ Ցեգոլկոն իր ֆեսբուկյան էջում։
Ցեգոլկոյի խոսքերով՝ Թիլերսոնը հայտարարել է, որ ԱՄՆ–ն ընդունում է Ուկրաինայի տարածքային ամբողջականությունը եւ պնդում է Մինսկի համաձայնությունների կատարմանը, «մասնավորապես կրակի դադարեցման ռեժիմի ապահովմանը»։
«ԱՄՆ արտաքին քաղաքականության գերատեսչության ղեկավարը ընդգծել է, որ Վաշինգտոնը թույլ չի տա Ուկրաինայում եւ Սիրիայում իրավիճակի լուծման որևէ փաթեթային պայմանավորվածություն»,– գրել է Ցեգոլկոն։
Իր հերթին, Պորոշենկոն հայտարարել է, որ Ուկրաինան եւ ԱՄՆ–ն «այսօր միասին պաշտպանում են երկրները միավորող դեմոկրատական արժեքները»։ Նրա խոսքերով՝ այդ պատճառով պատժամիջոցները «պետք է պահպանվեն մինչեւ Ուկրաինայի տարածքային ամբողջականության լիակատար վերականգնումը»։
Պորոշենկոն եւ Թիլերսոնը պայմանավորվել են շարունակել երկկողմանի խորհրդատվությունները՝ ԱՄՆ պետքարտուղարի Մոսկվա այցելությունից հետո։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Ամերիկան պատմության մեջ հսկայական քայլ հետ կատարեց
Մելանշոնը հավանական առաջատար թեկնածուներից մեկն է
Կրկին ակտիվացել են ՆԳՆ անունից զեղծարարության փորձերը
Ծաղկունքում կասեցվել է հացաբուլկեղենի արտադրամասի գործունեությունը
Մոսկվայում մեկնարկել է ԱՊՀ ԱԽ քարտուղարների հանդիպումը. Հայաստանը ևս մասնակցում է