Վահե Գրիգորյանի տարօրինակ վեթինգը
Նրանք, ովքեր կուրծք են ծեծում, գոռում-գոչում վեթինգի անհրաժեշտության մասին, ողջունեցին, գրեթե հրճվանքի մեջ ընկան, երբ նախագահի պաշտոնում հայտնված Արմեն Սարգսյանը վերջապես կատարեց մեզ հայտնի որոշ ուժերի պահանջը եւ ՍԴ դատավորի թեկնածու առաջադրեց Վահե Գրիգորյանին:
Տրամաբանությունը հուշում է, որ եթե վեթինգի իրականացման կողմնակիցները, մեղմ ասած, ողջունում են Վահե Գրիգորյանի առաջադրումը, հետեւաբար, նրանք արդեն իսկ վստահ են, որ սա այն երիտասարդն է, որը պետք է հանգիստ անցնի վեթինգը:
Եւ ի՞նչ է ստացվում: Անկեղծ լինենք, ստացվում է մի մղձավանջային պատկեր: Պարզվում է, որ վեթինգի կողմնակիցները ողջունում են, որ ՍԴ անդամը հանձնարարականներ ստացած լինի ՀՔԾ պետից:
Մենք չենք մոռացել այն հեռախոսազրույցի մասին, որտեղ հստակ եւ պարզ լսվում էր, որ ՀՔԾ պետ Սասուն Խաչատրյանը գլուխ է գովում, թե Վահե Գրիգորյանին հանձնարարականներ է տվել, եւ որ նա ինչ-որ պետք է կասի:
Այսպիսով, արձանագրենք մեկ անգամ եւս, որ դատավորը, այն էլ ՍԴ անդամը, ըստ վեթինգի կողմնակիցների, պետք է հանձնարարականներ ստացած լինի ՀՔԾ պետից:
Վեթինգի կողմնակիցները, պարզվում է, համոզված են, որ դատավորը, առավել եւս ՍԴ անդամը պետք է խարդախության եւ փաստաթղթերի կեղծման մեղադրանքով կալանավորված լինի:
Իսկ որ ամենակարեւորն է, վեթինգի ակտիվ ջատագովների համոզմամբ, դատավորը կամ ՍԴ անդամ դատավորը պետք է միջազգային ատյաններում տապալած լինի Ադրբեջանի դեմ առաջադրված մեղադրանքը:
Եւ վերջում ավելացնենք, որ ըստ որոշ սահմանադրագետների, Արմեն Սարգսյանը պարզապես իրավունք չուներ ՍԴ անդամի թեկնածու առաջադրեր Վահե Գրիգորյանին, քանի որ նա մեկ անգամ եւս արդեն առաջադրվել էր:
Այսպիսով, մենք մեկ անգամ եւս արձանագրենք, որ խայտառակ վիճակում գտնվող դատական համակարգի բարեփոխման ամենավտանգավոր եւ սխալ ճանապարհը վեթինգն է, որը երկիրը հասցնելու է խայտառակ վիճակի, որից օգտվելու են միայն մեր երկրի հակառակորդները:
Տեսեք, թե ովքեր են վեթինգի կողմնակիցները եւ ամեն ինչ պարզ եւ հասկանալի կդառնա, իսկ նրանց, ովքեր ֆեյսբուքներում ուրախությամբ, հրճվանքով գրում են, թե սպասեք, տեսեք, թե ձեզ ինչ օրն է գցելու նույն Վահե Գրիգորյանը, հուշենք, որ այդ համակարգը հենց նման տողերի հեղինակներին է առաջինը խժռելու:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...