Ունեցանք չեմպիոն, որը հաստատ չեմպիոն չէ

Ֆուտբոլի Հայաստանի առաջնության վերջին տուրում հայտնի դարձավ չեմպիոն թիմի անունը: «Արարատ-Արմենիան» 1:0 հաշվով հաղթելով «Բանանցին», շրջանցեց «Փյունիկին» եւ դարձավ չեմպիոն:

Ունեցանք չեմպիոն, որը ոչ խաղամակարդակով, ոչ էլ այլ գործոններով չպետք է դառնար չեմպիոն եւ Հայաստանը չպետք է ներկայացներ Չեմպիոնների լիգայում:

Նույն այս՝ «Բանանցի» հետ խաղում «Արարատ-Արմենիան» կրկին թողեց տխուր, անդեմ եւ թույլիկ ֆուտբոլային թիմի տպավորություն: Եւ ինչպես կրկին անգամ չշեշտես, որ եթե չլինեին մրցավարական կոպիտ, վնասարար սխալները, ապա չեմպիոն հաստատ կդառնար «Փյունիկը», անգամ «Բանանցը», բայց ոչ «Արարատ-Արմենիան»:

Եւ ի՞նչ ակնկալես «Արարատ-Արմենիայից» Չեմպիոնների լիգայում՝ ոչինչ: Երբ չկա մարզչական միտք, երբ չկա ֆուտբոլ, անգամ ամենափոքրիկ նպատակները չեն կարող իրականանալ:

«Փյունիկն» ունի լավ մարզիչ, այս թիմը ցույց է տալիս ֆուտբոլ, մրցունակ ֆուտբոլ, որի խաղը անգամ նայվում է, բայց թիմից գողացան չեմպիոնությունը: գողացան բառիս ամենաբուն իմաստով:

Top-News.am