Ինչպես է Նազենի Ղարիբյանը աշխատելու մի վայրում, որտեղ իրեն չեն ընդունում. Օպերային թատրոնի դիրիժոր
«Ա. Սպենդիարյանի անվան օպերայի եւ բալետի ազգային ակադեմիական թատրոն» ՊՈԱԿ-ի կառավարման խորհրդի նախագահ է ընտրվել ՀՀ մշակույթի նախարարի պարտականությունները կատարող Նազենի Ղարիբյանը: Ի պատասխան այս ընտրության Օպերային թատրոնի աշխատակիցները պատրաստվում են երկուշաբթի օրը ժողով անել, հասկանալու համար, թե ինչ է կատարվել եւ արդյոք կարող են աշխատել Նազենի Ղարիբյանի հետ։ Այս մասին NEWS.am—ին ասաց «Ա. Սպենդիարյանի անվան օպերայի եւ բալետի ազգային ակադեմիական թատրոնի» դիրիժոր Հարություն Արզումանյանը։
Ըստ նրա, կառավարման խորհրդում 8 անդամ կա, որից երկուսը ներկայացնում են Օպերային թատրոնը, մյուսը Կոմպոզիտորների միության նախագահը, որը ներկա չի եղել եւ մշակույթի նախարարության աշխատակիցներ, որոնք էլ ընտրել են Նազենի Ղարիբյանին։
Հարություն Արզումանյանը նաեւ նշեց, որ Նազենի Ղարիբյանը լուրեր է տարածել, թե ինքն է մնալու մշակույթի փոխնախարարը, իսկ թե այդ լուրերը ինչքանով են ճիշտ, նա դժվարացավ ասել, միայն նշեց, որ նախկինում կառավարման խորհրդի նախագահն էր նախկին մշակույթի նախարար Հասմիկ Պողոսյանը, ում հետ նորմալ աշխատել են։
«Չգիտենք Նազենի Ղարիբյանն է լինելու մշակույթի փոխնախարարը, թե չէ, հուսով եմ, որ չէ։ Կառավարման խորհուրդն այն օղակն է, որ տնօրենի հետ միասին ղեկավարում է օպերային թատրոնը, օպերայի խնդիրները հասանելի է դարձնում կառավարությունում։ Իսկ Նազենի Ղարիբյանի նպատակը թատրոնների օպտիմալացումն է, Օպերայի դեմ պայքարն է։ Նա չի կարող օպերայում մեզ հետ միասին աշխատել»,– ասաց դիրիժորը։
Նա նաեւ կարծիք հայտնեց, որ Նազենի Ղարիբյանի ընտրության հարցը պետք է վերանայվի եւ նոր ընտրություններ անցկացվի։
«Կանոնադրության մեջ չեմ կարծում, որ գրած է, որ փոխնախարար պետք է լինի կառավարման խորհրդի նախագահը, չեմ կարծում, որ իր հետ կկարողանանք աշխատել, գուցե պետք է ՊՈԱԿ–ների մասին օրենքը փոխվի»,– ասաց նա, հավելելով, որ Նազենի Ղարիբյանը պայքարում է Օպերայի դեմ, նա վարչապետին Կոնստանտին Օրբելյանի հեռացման վերաբերյալ մի քանի կետեր է ներկայացրել, որոնց մեծ մասը իրականությանը չի համապատասխանում, Օրբելյանն էլ նրան դատի է տվել։
«Նոր կառավարության կազմը, որ լինի՝ կերեւա։ Հետո կարող է մի քանի օրից պարզ լինի, որ նա չի մշակույթի փոխնախարարը, բայց նա մնա այս պաշտոնում, որն անընդունելի է»,– ասաց նա։
Հարություն Արզումանյանը հավանական է համարում, որ երկուշաբթի օրը, բացի կառավարման խորհրդ անդամներից, նաեւ Նազենի Ղարիբյանը գա ժողովին եւ տեսնեն, թե նա ինչպես է պատկերացնում աշխատանքը մի վայրում, որտեղ նրան ընդհանրապես չեն ընդունում եւ դեմ են իրեն։
«Օպերայի կառավարման խորհրդի անդամների հիմնական մասը մշակույթի նախարարությունից են, ոնց կարող է օպերային կառավարման խորհուրդը այդպիսին լինել՝ չգիտեմ»,–ասաց նա։
Հարություն Արզումանյանը կրկին հիշեցրեց, որ ողջ թատերական աշխարհն էր Նազենի Ղարիբյանի դեմ եւ ստորագրահավաք էր կազմակերպել։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները