Ես կանեմ այն, ինչ կհուշի նախարարը. Լիլիթ Արզումանյանը՝ ռեկտորի պաշտոնից հրաժարական տալու մասին
Ես չեմ պատրաստվում հրաժարական տալ, եթե մի քանի ժամ առաջ ասում էի՝ առավոտյան կասեմ, հիմա վստահ եմ, որ հրաժարական չեմ տալու: Այս մասին այսօր՝ մայիսի 22-ին, NEWS.am-ի հետ զրույցում ասաց Երեւանի կինոյի եւ թատրոնի պետական ինստիտուտի նորընտիր ռեկտոր Լիլիթ Արզումանյանը.
«Հրաժարական չեմ տալու, քանի որ ես օրենքի կողմնակիցն եմ, եւ ընտրվել եմ օրինական ճանապարհով: Եթե նախախարը ինձ հորդորի հրաժարականի մասին, կանեմ այն, ինչ՝ կհուշի նախարարը»,- ասաց նա։
Իսկ ցույցի դրդապատճառը, ասաց, դեռ չի կարողացել հասկանալ, քանի որ իր համար այդ ամենը անակնկալ էր. «Ես չեմ հասկանում, թե այստեղ ինչ կատարվեց, ամեն ինչ շատ բարդ վիճակում է: 6 ամիս ռեկտորի ժամանակավոր պաշտոնակատար եմ եղել, եւ որեւէ վատ վերաբերմունք չեմ նկատել: Ուսանողների հետ ունեցել եմ շատ ջերմ հարաբերություններ, անընդհատ հետեւել եմ փորձերին, ներկայացումներին, նորոգել ենք մի քանի սենյակներ»,- ասաց ռեկտորը:
Նշենք, որ արդեն մեկ ժամ է բուհի շենքի դռները ցուցարար ուսանողները բացել են: Նրանք 7 հոգանոց խումբ են կազմել եւ գնացել են հանդիպելու Կրթության եւ գիտության նախարար Արայիկ Հարությունյանի հետ: Նորընտիր ռեկտոր Լիլիթ Արզումանյանը դեռ ինստիտուտում է, նա ասաց, որ սպասելու է ուսանողների վերադառնալուն:
Հիշեցնենք, որ այսօր առավոտից բուհի ուսանողները ակցիա էին անում բուհում՝ բողոքելով, որ ռեկտորի ընտրությունը կայացել է առանց մրցակցության։ Ուսանողները ներսից փակել էին թատրոնի դուռն ու որեւէ մեկին թույլ չէին տալիս՝ ոչ դուրս գալ շենքից, ոչ էլ՝ ներս մտնել: Նրանք այլընտրանք էին պահանջում՝ ընդգծելով, որ պետք է ռեկտորի եւս մեկ թեկնածու լինի, ու արդյունքում հաղթի արժանին:
Նորընտիր ռեկտոր Լիլիթ Արզումանյանը ուսանողներին ասել էր, որ հրաժարականի մասին կմտածի եւ առավոտյան կասի իր որոշումը, սակայն ուսանողները չէին բացել դռները՝ պահանջելով անհապաղ հրաժարական տալ:
Հիշեցնենք, որ ԵԹԿՊԻ խորհրդի նիստի՝ շուրջ 3 ժամ տեւած քննարկումներից հետո ռեկտորի ժամանակավոր պաշտոնակատար, միակ թեկնածու Լիլիթ Արզումանյանը 15 կողմ, 9 դեմ ձայների հարաբերակցությամբ ընտրվել է բուհի ռեկտոր: Ընտրության ընթացքում Թատերական ինստիտուտի ուսանողները միջանցքում հավաքված վանկարկում էին «այլընտրանք»՝ խորհրդից պահանջելով ընդգրկել ռեկտորի եւս մեկ թեկնածու:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները