Կրեմլ. Պուտինը Սիրիայում ԱՄՆ-ի հարձակումն ինքնիշխան պետության դեմ ագրեսիա է որակել

Ռուսաստանի նախագահ Վլադիմիր Պուտինը Միացյալ Նահանգների կողմից Սիրիայի օբյեկտների ուղղությամբ հարձակումն ինքնիշխան պետության դեմ հարձակում է համարում: ՏԱՍՍ-ի փոխանցմամբ՝ այս մասին լրագրողներին ասել է Կրեմլի պաշտոնական ներկայացուցիչ Դմիտրի Պեսկովը:

«Նախագահ Պուտինը Սիրիայում ամերիկյան հարվածներն ինքնիշխան պետության դեմ ագրեսիա է համարում, միջազգային իրավունքի նորմերի խախտում, ընդ որում՝ մտացածին պատրվակով»,- ասել է Պեսկովը:

Կրեմլի մամուլի քարտուղարի խոսքով՝ Պուտինը կարծում է, որ Սիրիայի ուղղությամբ ամերիկյան հարվածներն Իրաքում գործողությունների ընթացքում խաղաղ բնակչության շրջանում բազմաթիվ զոհերից ուշադրությունը շեղելու նպատակ է հետապնդում:

Վլադիմիր Պուտինը կարծում է, որ Սիրիայում ամերիկյան հարվածները զգալի վնաս են հասցնում Ռուսաստանի հետ ԱՄՆ-ի հարաբերություններին, ինչպես նաեւ խոչընդոտում ահաբեկչությանն արդյունավետ հակազդելուն:

«Վաշինգտոնի այս քայլը զգալի վնաս է հասցնում ռուս-ամերիկյան հարաբերություններին, որոնք առանց այդ էլ տխուր վիճակում են»,- ընդգծել է ՌԴ նախագահի խոսնակը: «Բայց ամենակարեւորը, Պուտինի կարծիքով, այդ քայլը մեզ չի մոտեցնում միջազգային ահաբեկչության դեմ պայքարի վերջնական նպատակին, հակառակը, լրջորեն խոչընդոտում է դրան արդյունավետ հակազդելուն, ինչը, ի դեպ, ԱՄՆ նախագահ Դոնալդ Թրամփը դեռեւս նախընտրական արշավի ժամանակ իր գլխավոր խնդիրներից էր համարում»,- հայտարարել է Պեսկովը:

news.am

Այս թեմայով Պուտինն ապրիլի 1-ից արգելել է Ռուսաստանից դեպի ԵԱՏՄ երկրներ 100 հազար դոլարից ավելի կանխիկ գումարի արտահանումը Բնակչության մինչև 95%-ը պետք է իրեն ռուսաստանցի զգա․ Ռուսաստանի ազգային նոր քաղաքականության ռազմավարությունը Թրամփը նշել է, որ իր կինը հավանում է Պուտինին Ուկրաինան փորձում է հարձակումներով վախեցնել ռուսաստանցիներին. Պուտին Ֆիդանը Մոսկվայում հանդիպելու է Պուտինի հետ. աղբյուր