New York Times. ԿՀՎ-ն անցյալ ամառ է պարզել ռուսական միջամտությունը ընտրություններին
ԱՄՆ Կենտրոնական հետախուզության վարչությունը անցյալ ամառ փակ ճեպազրույցի ժամանակ բարձրաստիճան օրենսդիրներին հայտնել է, թե ինքը տեղեկություններ ունի, որ Ռուսաստանը փորձում է օգնել Դոնալդ Թրամփին հաղթել ընտրություններում, սակայն այդ մասին հրապարակայնորեն չի ասվել մինչ Թրամփի հաղթանակը, հաղորդում է New York Times-ը։
Ինչպես գրում է պարբերականը՝ ճեպազրույցները վկայում են, որ հետախուզությունը Ռուսաստանի մտադրությունների ապացույցներ ուներ նախընտրական քարոզարշավի շատ վաղ փուլում, քան համարվում էր նախկինում։
Նախկին պաշտոնյաների խոսքով՝ օգոստոսի վերջին՝ ընտրություններից 10 շաբաթ առաջ, ԿՀՎ տնօրենի պաշտոնը զբաղեցնող Ջոն Բրենանն այնքան անհանգստացած էր ընտրություններին ռուսական վերաբերյալ կուտակվող վկայություններից, որ անհապաղ սկսեց անհատական ճեպազրույցների շարքը՝ Կոնգրեսի ութ անդամների համար։
Օգոստոստի 25-ին սենատում դեմոկրատների առաջնորդ Հարրի Ռիդի համար ճեպազրույցի ընթացքում Բրենանն ասել է, որ ռուսական կիբերհարձակումները, ըստ երեւույթին, կոչված են օգնել Թրամփին հաղթել ընտրություններում։
Նշվում է նաեւ, որ Բրենանը նաեւ հասկացրել է, թե Թրամփի որոշ մտերիմներ կարող են համագործակցել Ռուսաստանի հետ՝ ընտրությունների արդյունքին ազդելու նպատակով։ Այժմ այդ գործով հետաքննությունն է ընթանում Հետախուզությունների դաշնային բյուրոյում եւ Կոնգրեսի երկու կոմիտեներում։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ