Պետերբուրգի մետրոյի մեքենավարը հրաժարվել է պարգեւից
Սանկտ–Պետերբուրգի էլեկտրագնացքի մեքենավար Ալեքսանդր Կավերինը, ում գործողությունների արդյունքում պայթյունից հետո հարյուրավոր կյանքեր փրկվեցին, հրաժարվել է դրամական պարգեւից։
Այս մասին նա այսօր հայտարարել է «Սանկտ–Պետերբուրգ» հեռուստաալիքի լրագրողներին։ Նա ասել է, որ տեղեկություն է ստացել ինչ որ նախաձեռնող խմբի վերաբերյալ, ովքեր որպես երախտագիտություն, իր համար գումար են հավաքել։ Թե ինչ գումարի մասին է խոսքը գնում, Կավերինը չի մանրամասնել։
«Ես գտնում եմ, որ ինձ ոչինչ պետք չէ։ Ես իհարկե շնորհակալ եմ այդ խմբին, բայց կարծում եմ, որ այդ գումարը պետք է փոխանցել նրանց, ում դա իրոք պետք է»,– ասել է մեքենավարը։
Նա պարզաբանել է, որ խնդրել է այդ գումարը փոխանցել պայթյունի ժամանակ տուժած կնոջը, ում ոտքը անդամահատել են։ Կավերինի խոսքերով՝ տվյալ պահին նա ամեն ինչով ապահովված է, բայց հետագայում, երբ դուրս գա բուժ հաստատությունից, նրան պրոթեզ անհրաժեշտ կլինի։
Ինչպես ավելի վաղ հաղորդվել էր, ապրիլի 5-ին Ռուսաստանի տրանսպորտի նախարար Մաքսիմ Սոկոլովը պարգեւատրել էր Կավերինին «Ռուսաստանի տրանսպորտի պատվավոր աշխատակից» շքանշանով՝ պայթյունից հետո գրագետ գործողությունների համար։
Հիշեցնենք, որ պայթյունից հետո մեքենավարը չի կանգնեցրել էլեկտրագնացքը եւ հանել է այն «Տեխնոլոգիական ինստիտուտի» կայարան, ինչի արդյունքում հարյուրավոր կյանքեր է փրկել։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ