Դատավորը թույլ չտվեց Քոչարյանին արձագանքել գլխավոր դատախազի ելույթին. որոշումը կհրապարակվի մայիսի 18–ին
Երևանի ընդհանուր իրավասության դատարանի դատավոր Դավիթ Գրիգորյանը քիչ առաջ հեռացավ խորհրդակցական սենյակ ՀՀ երկրորդ նախագահ Ռոբերտ Քոչարյանի խափանման միջոցի վերաբերյալ որոշում կայացնելու։ Որոշումը կհրապարակվի մայիսի 18-ին ժամը 16:00–ին։ Քոչարյանի պաշտպանները և ինքը ՝ երկրորդ նախագահը, դժգոհեցին, որ դատավորը թույլ չտվեց նրանց գլխավոր դատախազի ելույթից հետո ներկայացնել իրենց դիրքորոշումը։
Նշենք, որ այսօրվա դատական նիստը տևեց սովորականից ավելի երկար՝ շուրջ 10 ժամ։
Այս ընթացքում Քոչարյանին կալանքից ազատ արձակելու միջնորդությամբ հանդես եկան նրա պաշտպանները, ինչին հաջորդեց Ռոբերտ Քոչարյանի ծավալուն ելույթը իրեն մեղսագրվող արարքների վերաբերյալ։ Օրվա երկրորդ կեսին երկրորդ նախագահի պատշաճ վարքագիծն ազատության մեջ երաշխավորեցին Արցախի նախկին նախագահ Արկադի Ղուկասյանն ու ներկայիս նախագահ Բակո Սահակյանը։ Դատարանը նրանց ծանոթացրեց Քոչարյանին առաջադրված մեղադրանքի բովանդակությանը, երաշխավորողի իրավունքները և պարտականություններն ու նախազգուշացրեց երաշխավորողի պատասխանատվության մասին, որից հետո երկու նախագահները հաստատեցին իրենց խնդրանքը։ Այնուհետև դարձյալ դիրքորոշում հայտնեց մեղադրանքի կողմը։ Գլխավոր դատախազը նույնպես ելույթ ունեցավ։
Հիշեցնենք, որ Ռոբերտ Քոչարյանը մեղադրվում է ՀՀ սահմանադրական կարգը տապալելու, ինչպես նաեւ իր պաշտոնեական դիրքն օգտագործելով «Թի Էս Էս Սի Արմենիա» ՍՊ ընկերության միակ մասնակից եւ տնօրեն Սիլվա Համբարձումյանի օգտին գործողություններ կատարելուն նպաստելու համար առանձնապես խոշոր չափերով կաշառք ստանալու համար։ Սակայն նրա փաստաբանները պնդում են, որ մեղադրանքն անհիմն է, եւ շինծու գործով իրականացվում է քաղաքական հետապնդում։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...