Անդրանիկ Քոչարյանի որդին բանակում ծառայե՞լ է, թե ոչ. լռում է նա, լռում են մյուսները

ՀՀ ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը գնալով ավելի ու ավելի է կորցնում իրականության զգացումը, որի մասին են վկայում նրա արած հայտարարությունները եւ տված գնահատականները: 

Անդրանիկ Քոչարյանը դասեր է տալիս, ավելին, նույնիսկ որոշում է, թե ով որ հարցի շուրջ կարող է կարծիք հայտնել, իսկ ով՝ ոչ: Մի խոսքով, մշատպես ոչ դրական կերպարի համարում ունեցող Անդրանիկ Քոչարյանը գնալով ավելի ու ավելի բացասական հերոսի է վերածվում:

Դեմքի արտահայտությունն էլ այնպիսին է, կարծես նա հայրենասիրության եւ ազնվության մարմնացումն է: Իսկ ամենահետաքրքիրն այն է, որ այս պատգամավորի որդին՝ Լեւոն Քոչարյանը Հայաստանի զինված ուժերում չի ծառայել:

Նա այս հարցին այդպես էլ չի պատասխանում, չնայած լրատվամիջոցների համառ ջանքներին: Իսկապես շատ հետաքրքիր ժամանակներ են, Անդրանիկ Քոչարյանը զբաղեցնում է ՀՀ ԱԺ պաշտպանության եւ անվտանգության հարցերի մշտական հանձնաժողովի նախագահի պաշտոնը, դասեր է տալիս Արցախի պաշտպանության եւ ազատագրության հերոսներին, բայց որդին բանակում չի ծառայել, ավելին, նա հրաժարվում է այդ մասին բացատրություն տալ:

Մի երիտասարդի վերցրին եւ գործից դուրս շպրտեցին միայն նրա համար, որ դրոշը իբր լավ չէր դրված սենյակում, իսկ այդ դեպքում լռում է ոչ միայն Քոչարյան Անդրանիկը, այլ ԱԺ նախագահը, վարչապետը: Իսկ հանրությանն իսկապես հետաքրքրում է, թե ինչու բանակում չի ծառայել «հայրենասեր-հայրենասեր» խաղացող ՀՀ ԱԺ մշտական հանձնաժողովի նախագահի որդին:

Վարդան Մխիթարյան

Top-News.am