Սա՞ է ձեր անկախ դատարանը եւ դատավորը
Ասում են, թե անցած տարվա մայիսի 8-ից հետո դատավորները ճնշումների չեն ենթարկվում, անգամ նրանց չեն զանգում հրահանգավորելու համար: Ասում են:
Մենք ուզում ենք հավատալ այս պնդմանը, որովհետեւ այդպես շատ ավելի լավ կլինի բոլորի համար, բայց երբ երկրի գլխավոր դատախազը՝ այս դեպքում Արթուր Դավթյանը որոշում է անձամբ ներկա լինել Ռոբերտ Քոչարյանի եւ մյուսների անվանումը ստացած դատին եւ ներս է մտնում դահլիճ հենց այն դռնից, որով ներս ու մուտ են անում բացառապես դատավորները, սկսում ես չհավատալ, որ Հայաստանում իրավիճակ է փոխվել:
Սկսում ես չհավատալ եւ հիշում ես այն հայտնի գաղտնալսված հեռախոսազրույցը, հիշում ես, թե ինչպես էին հեգնանքով խոսում դատավորների մասին, հիշում ես, թե ինչպես էին վստահեցնում, թե ինչ-որ մեկին կհանձնարարեն ինչ-որ բաներ գրել: Հիշում ես, եւ երբ տեսնում ես, որ այդ ինչ-որ մեկը շատ ակտիվ է դատը դեռ չսկսված, համոզվում ես, որ ոչ թե իրավիճակը չի փոխվել, այլ ավելի վատացել:
Եւ այս ամենից հետո սկսում ես մտածել, թե ինչ ցածր կարծիք ունեն ժողովրդի մասին իշխանությունները, որոնք հանուն շոուի պատրաստ են ամենատարօրինակ, անհասկանալի եւ վտանգավոր քայլերի եւ գործողությունների:
Իհարկե, հիմա կասեն, թե դատախազը դատավորների համար նախատեսված դռնով մտել է, որովհետեւ նա ժողովրդի վստահության քվեն ունի, որ ինչ-որ մեկին հանձնարարում են հայտարարություններ անել եւ գրառումներ անել, որովհետեւ այդպես ավելի կրեատիվ է: Ամենահեշտն ասելն է:
Վահրամ Գեւորգյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...