Եվրախորհրդարանը պահանջում է «բրեքսիթի» հարցով գալիք բանակցություններում կոշտ դիրքորոշում զբաղեցնել
Եվրախորհրդարանը Եվրոպական միությունից կոշտ դիրքորոշում է պահանջել ԵՄ կազմից Մեծ Բրիտանիայի դուրս գալու մասին գալիք բանակցություններում։ ԵՄ քաղաքացիների շահերը պետք է առաջնային լինեն ու լիարժեք պաշտպանվեն, հետեւում է բանակցային գործընթացի վերաբերյալ խորհրդարանականների որոշումից, հայտնում է DW–ը։
Ընդ որում անհրաժեշտ է բրիտանական իշխանություններին տեղեկացնել, որ Brexit–ից հետո Միացյալ թագավորությունն «այլեւս չի կարողանա նույն արտոնություններից օգտվել», ասվում է ապրիլի 5-ի որոշման մեջ։ Համաձայնագիրը, որը չի ներառի այդ սկզբունքները, չի հաստատվի ԵԽ կողմից, իսկ առանց դրա հնարավոր չէ ԵՄ կազմից Մեծ Բրիտանիայի դուրս գալու մասին համաձայնագրի կնքումը։ Որոշմանը կողմ են քվեարկել 516 պատգամավորներ, դեմ՝ 133-ը , հիմնականում աջ պոպուլիստներն ու եվրոսկեպտիկները։
Այնուհետեւ որոշման մեջ նշված է, որ Մեծ Բրիտանիան պետք է հետեւի «բոլոր իրավական, ֆինանսական ո ւ ֆիսկալ պարտավորություններին»։ Բրյուսելի փորձագետների գնահատականով, դրանք կազմում են ընդհանուր առմամբ 60 մլրդ եվրո։ Այդ գումարը ներառում է օրինակ ԵՄ կառույցներում աշխատող բրիտանացի չինովնիկների կենսաթոշակների վճարումները։
Բացի դրանից Եվրախորհրդարանը հաստատել է իր դիրքորոշումը ԵՄ ներքին շուկային Մեծ Բրիտանիայի մուտքի հնարավորության մասին։ Ըստ այդ դիրքորոշման՝ դա հնարավոր կլինի միայն այն դեպքում, եթե ԵՄ քաղաքացիներին տրամադրեն իրավունք ապրել ու աշխատել բրիտանական տարածքում, նաեւ եթե Լոնդոնը ընդունի ՄԻԵԴ իրավազորությունը։ Բրիտանական կառավարությունը մերժում է այդ պայմանները։
ԵՎրախորհրդարանը մերժել է Մեծ Բրիտանիայի վարչապետ Թերեզա Մեյի առաջարկը՝ ԵՄ-ից դուրս գալու ու Բրյուսելի հետ Լոնդոնի ապագա հարաբերությունների մասին բանակցությունները զուգահեռաբար անցկացնելու մասին։
ԵՄ 27 երկրները մտադիր են բրեքսիթի մասին բանակցությունների վերաբերյալ ուղենիշների մշակումն ավարտել ապրիլի վերջին՝ Բրյուսելում ծրագրված գագաթնաժողովի ժամանակ։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ