Ուղղակի խայտառակություն է․ Բելլա Քոչարյանը՝ Աննա Հակոբյանի «զոհեր հանուն ոչնչի» թեզի մասին
Ինչպե՞ս կարելի է հենց այնպես խոսել եւ ասել, որ այն, ինչ արել են մեր զինվորները, ոչինչ է, ուղղակի խայտառակություն է։ Այս մասին այսօր՝ մայիսի 12-ին, ՀՀ երկրորդ նախագահ Ռոբերտ Քոչարյանի «Կյանք և ազատություն» գրքի հայերեն թարգմանության շնորհանդեսի ավարտին լրագրողների հետ զրույցում ասաց նրա տիկին Բելլա Քոչարյանը։
«Ասացվածք կա, չէ՞, եթե ուզում ես խաղաղություն, պետք է պատրաստվես պատերազմի։ Ինչպե՞ս կարելի է հենց այնպես խոսել նման բաների մասին՝ խոսքը պիտի հիմնված լինի գործերի վրա, եւ ասել, որ այն, ինչ արել են մեր զինվորները, ոչինչ է, ուղղակի խայտառակություն է։
Ինչպե՞ս կարելի է ասել, որ ազգը հերոսներ չի ունենում։ Ինչպե՞ս կարելի է դաստիարակել մեր երիտասարդներին՝ օրինակ չունենալով։ Պատերազմում մեր բոլոր զոհվածները հերոսներ են, և որ դա ոչինչ չէ, սխալ խոսք է, չի կարելի այդպես արտահայտվել։ Ես էլ եմ կարծում, որ խաղաղությունը շատ լավ բան է, ես համոզված եմ, բայց ինչպե՞ս հասնել այդ խաղաղությանը՝ հենց այնպես խոսելո՞վ, թե՞ պատրաստվելով խաղաղությանը։ Իզուր խոսքեր պետք չէ ասել, պետք է աշխատել և մտածել իրոք խաղաղության մասին, բայց՝ ճիշտ ձևով»,- ասաց ՀՀ երկրորդ նախագահի տիկինը։
Հիշեցնենք, որ ՀՀ վարչապետ Նիկոլ Փաշինյանի տիկին Աննա Հակոբյանը «Ամերիկայի ձայնին» տված հարցազրույցում ասել էր․ «Հակամարտության պատմության այս տարիների ընթացքում բազմաթիվ զոհեր ենք ունեցել երկու կողմից էլ, հազարավոր զոհեր ենք ունեցել, բայց մենք նրանց կյանքը զոհաբերել ենք հանուն ոչնչի, որովհետեւ ոչ մի կերպ, ոչ մի սանտիմետր անգամ այդ զոհերը մեզ չեն մոտեցրել հակամարտության կարգավորմանը, եթե չասենք ընդհակառակը՝ հեռացրել են կարգավորումից, որովհետեւ պարզ բան է, հայտնի ճշմարտություն է, որ թշնամանքի մթնոլորտում չենք կարող խաղաղություն կառուցել, չենք կարող հակամարտության լուծում գտնել»։
Ռոբերտ Քոչարյանը դարձել է այսօրվա եւ վաղվա Հայաստանի քաղաքական լրջագույն գործոններից մեկը
Ռոբերտ Քոչարյանը հետաքրքիր մանրամասներ է պատմում հրադադարի հաստատման բանակցություններից
Ի՞նչ կասեր Բելլա Քոչարյանն այսօրվա իշխանություններին, եթե հանդիպեր նրանց
Ես հավատում եմ, որ Ռոբերտը լինելու է ազատության մեջ, որովհետև ինքը ճշմարիտ է․ Բելլա Քոչարյան
Կայացավ Ռոբերտ Քոչարյանի «Կյանք և ազատություն» գրքի հայերեն տարբերակի շնորհանդեսը
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...