Սանասարյանին առայժմ մնում է միայն պաշտպանվել. հարձակվող կողմը Վանեցյանն է
ԱԱԾ քննչական դեպարտամենտի ղեկավար Արթուր Աղաջանյանը «Հայկական ժամանակ»-ին տված հարցազրուցում անդրադարձել է Դավիթ Սանասարյանին առաջադրված մեղադրանքին եւ պնդել՝ մենք մեղադրանք առաջադրեցինք քանի որ ունեինք ապացուցողական այն համակցությունները, որն ամբողջությամբ մեզ իրավունք էր վերապահում մեղադրանք առաջադրելու համար:
Ուշագրավ է, որ Աղաջանյանը զրուցել է հենց «Հայկական ժամանակի» հետ, հետաքրքիր է նաեւ, որ Ազգային ժողովում պատգամավոր Հրաչ Հակոբյանն էլ իր հերթին ասել է, թե ոչ մի հիմք չկա պնդելու, թե Դավիթ Սանասարյանի դեմ հարուցված գործը շինծու է:
Իսկ Դավիթ Սանասարյանը եւ նրա փաստաբանները շարունակում են պնդել, հայտարարել, որ գործը շինծու է: Սանասարյանն անգամ պատրաստ է կտրել իր ձեռքը, եթե ապացուցվի իր մեղավորությունը: Կարճ ասած, ականատես ենք շատ լուրջ հակամարտության եւ բախման, որի հանգուցալուծումը շատ կարեւոր է լինելու վարչախմբի հետագա գործունեության համար:
Ի դեպ, զերծ մնալով կողմերի միջեւ արդար եւ անարդար գտնելու ձգտումներից, արձանագրենք, որ Դավիթ Սանասարյանին փոխարինելու է 27-ամյա մի երիտասարդ, որը ըստ մամուլում շրջանառվող լուրերի Էդուարդ Աղաջանյանի հովանավորյալն է:
Ի դեպ, իր հերթին Արթուր Աղաջանյանը չի էլ թաքցնում, որ անընդունելի են համարում Սանասարյանի պատպանական կողմի հայտարարությունները եւ գրառումները:
Չմոռանանք, որ Դավիթ Սանասարյանը կոռուպցիայի դեմ պայքարի մարմնացումն էր, խորհրդանիշը եւ ոչ վերջին մարդը նոր իշխանավորների թիմում: Հիմա նրա եւ ԱԱԾ ղեկավար Արթուր Վանեցյանի միջեւ առկա բաց հակամարտությունը ցույց է տալիս այն իրողությունները, որն առկա է երկրում եւ հենց այստեղ են ասել, որ կամ Վանեցյանը Սանասարյանին կտանի բանտ՝ կամ...
Հակառակ դեպքում Վանեցյանի պաշտոնանկությունն անխուսափելի է՝ դրանից բխող բոլոր հետեւանքներով: Հիմա կողմերը հասել են մի կետի, որից արդեն նահանջ չկա: Հաղթելու է կամ մեկ կամ մյուս կողմը:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...